近年的士服務飽受批評，投訴不斷，去年交通意外更急升26%，引起社會關注。香港的士業議會復辦的士禮貌運動，令30年前電影《的士判官》都連帶翻Hit，唔少人都表示對戲中某啲情節好有共鳴感。
電影《的士判官》1993年上映，由邱禮濤執導，黃秋生主演，片中特別指責當時香港的士「害群之馬」不良問題，為香港當時「奇案片」中提到較「貼地」社會議題嘅作品。電影與同年美國片《怒火風暴》橋段相似，兩個主角原本都係普通人，但就因為面對挑釁同不公愈趨激進、暴力。《的士判官》有中高度血腥、暴力畫面以及不雅用語，低成本製作但票房收$ 4,975,745。
黃秋生於戲中本為善良上班族，但他太太卻因在即將臨盆時遇上拒載的士司機，大細不保，此後黃秋生以全副精力尋找一些冇職業道德嘅司機並加以「制裁」，並力數壞司機七宗罪貫穿整套電影。
點撃圖片睇秋生「審判」壞司機：
唔少網民都大讚電影依家睇都不落俗套，又指的士界害群之馬30年來都冇改變過。網民留言：「以前覺得套戲好恐怖，依家反而覺得好有教育意義。」、「30年後今日香港的士佬都仲係咁。」、「現實的士司機囂張，有今時今日都是報應，大家都唔幫襯，全民做判官。」
香港現時起至8月底均會有大學生擔任的士禮貌大使，逢周一、三及五駐守全港各區繁忙的士站。有大使昨在銅鑼灣羅素街的士站執勤，他們向乘客和司機派發宣傳單張和紀念品，並鼓勵司機除了保持良好的服務態度，以及主動了解乘客的需要並盡力提供協助。有的士業者認為運動的成效與從業者表現有關，承認業內確有司機「唔抵爭」，希望大家同心合力。推出禮貌運動的的士業議會主席黃卓邦強調即使舉辦活動亦難以在短時間解決的士問題，而禮貌運動只是眾多改善業界服務措施之一，長遠亦要配合車隊管理制度等中長期的改善措施，才能有效從根本在管理模式來改善的士服務。
圖片來源：電影截圖
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
