愛回家丨阿Joe周四出場劇情率先曝光 黑仔一入組宣布下月停播17日
《愛回家之開心速遞》昨日以端午節為主題宣傳劇集，劇中主要演員都有出席，更大玩龍舟競渡打成一片，相當好氣氛。劇組趁端午節前，特別向觀眾正式介紹新角色「龍舟」，亦即是傳聞已久一直只有名字沒有人演出的龍家三房囝囝阿Joe，由《聲夢傳奇》的歌手何晉樂（Rock）飾演。
場加映：中年好聲音2丨譚輝智為仔女做好榜樣追求成就 公開得獎感言：勿讓渺小顧慮成絆腳石
Rock昨日以阿Joe的造型登場，大家都爭相跟他這間「龍舟」合照應節。Rock跟「媽媽」三太樊亦敏及「爸爸」龍敢威羅樂林一齊接受訪問，羅樂林笑言：「等咗差不多八年，我之前都冇幻想過阿Joe係點，不過成個劇組都問到底阿Joe係邊個，大家都估來估去，終於都見面。（因為鄭世豪走要多個仔出現？）編劇佢哋總有辦法去搞，好厲害，鋪排咁耐終於出現，佢好醒目，好快上手，唔使點教，作為阿爸就等佢自由發揮。」
三太樊亦敏笑言由4月開工一直忍口不可以揭露Rock，令她非常痛苦，「我一直口中覺得阿Joe係高大靚仔又白淨聰明，都幾...高大靚仔，但佢好謙虛聰明，雖然冇乜拍戲經驗心情好緊張，但佢事前做好多功課，好乖，不過大家放心，我都唔會忘記風風，（風風失勢？）都唔係嘅，有一集都講佢覺得我忽略咗佢，衝擊一吓風風嘛，成日都唔鍾意我煲湯畀佢飲！龍舟一嚟就好多新元素加入劇情，劇情講佢女朋友係皎皎（王子涵飾），真係好襯，雖然佢外表好薯，但好聰明，威哥咁多個仔之中最錫佢，好彩龍舟幫咗我，如果唔係，我就冇得再出現喺《愛回家》，大家想知咩事就睇2306集。」
何晉樂表示知道今次機會不容易，他都非常感恩，亦會努力去做，他說：「我好緊張同期待大家睇法，做得好唔好都想知，因為我先可以繼續改進！」樊亦敏說：「佢有日講自己拋低歌手包袱去演，我話你阿媽我都係港姐嚟呀，拋低個港姐包袱嚟做三太，唔通你唔使擺低呀？」
第2306集《糟了！Joe來了》劇情預告：
天娥設法將Joe留在身邊，希望他出任接龍的管理層人員，Joe卻向敢威提出希望從低做起，其實另有打算。天娥高調地向各部門的職員介紹Joe，打算籠絡眾人。Joe因英進打翻咖啡而遭殃，天娥本要興師問罪，英進幸獲Joe解圍，若水等遂對Joe留下不錯的印象。另一邊廂，力蓮視Joe為敵人，密切留意有關他的事情，並且打算為他安排工作崗位...力蓮做好部署準備對付Joe，以為Joe必會苦不堪言。
昨日除了何晉樂外，羅毓儀都是第一次參與《愛回家》的宣傳活動，而她坦言「路小小」戲份增多，跟古佩玲、林凱恩及葉蒨文組「四朵金花」，有很多姊妹情發展，加上她要跟Fanny（張盈悅飾）爭Terry（李偉健飾），不過她都照樣接拍正劇，希望越來越忙。
不過，Rock宣布加盟《愛回家》的同時，無綫竟然宣布停播？2024年巴黎奧運將於7月26日至8月11日舉辦，為期17日，由於巴黎與香港的夏令時差為6小時，其開幕禮將於香港時間7月27日凌晨1點半舉行。TVB日前在《2024巴黎奧運盡在TVB》記者會上宣布，在奧運舉行期間，將停播晚上8點至11點的黃金時段所有劇集和綜藝節目，轉而播放奧運賽事，昨晚《東張西望》都已經宣布消息。
圖片：本網圖片（楊安莉攝影）
港生活人氣本地熱話
【免費送Rollink旅遊系列✈️🌍】
↓ 帶走人氣摺疊旅行喼 x Mini Bag！↓
↓【限時搶⚡】Orca Skincare芭絲特貓神魔幻養肌蜜粉↓
↓櫻花粉色增添紅潤血色感｜蜜桃粉橙色提亮膚色↓
