內地山姆超市早前成為港人北上消費重點，近日山姆就推出直郵到港服務，港人足不出戶已可到山姆「掃貨」。有港人實測直郵網購體驗，大部分人落單翌日已經收到貨，形容效率之高「香港超市都做唔到」；亦有人分享網購運費，2大箱貨品運費約$100左右，雖價格稍高但就可以送到上門，認為仍然物有所值。
港人北上消費成風，紅極一時的山姆會員商店（山姆超市）早前推出網上購物直郵到港服務，並已於上周五（7日）正式啟用，港人透過官方手機應用程式即可網上落單，標榜「翌日送達」並提供廣東話客戶服務，購物毋須再親身到深圳。
服務一出，不少港人立即搶先試用，分享網購感受以及「戰利品」。有網民在Facebook群組「山姆會員商店—香港人群組」發文，指中午12時落單、翌日12時即可送達，運費介乎90至100餘元左右。多位網民不約而同指運費雖則較貴，但就勝在貨物直送上門、毋須自取，形容運費「抵畀」。
網購2大箱食品日用品 運費約$100送到上門
有男網民出示網購所得貨品，指總值$779貨品大致被包裝成兩大紙箱，外面再以透明膠紙包裹，形容其「包裝很好」，貨品種類則以零食、麵食、茶包飲品及洗衣用品為主；另一名女網民則買入堅果零食、洗衣球、粉絲及多款加熱即食食品，未有提及貨物總值但就表示運費要價$102，大讚送貨速度快「香港超市都做唔到」，勝在「唔使自己搬」。
不少網民都贊同山姆超市的直郵服務體驗理想、「平過集運」，但與此同時亦有網民指購物過程遇上困難，例如輸入香港電話號碼後無法選擇送貨、部分產品如凍肉或朱古力無法網購等，亦有人表示落單多日但仍未收到貨。
送貨上門首1公斤運費$30
翻查資料山姆香港跨境直郵說明，於下午1時前落單，貨品一般可在翌日送達，惟部分離島地區或需隔日才可送達。運費方面，送貨上門與自提取貨有些少差異，收費分別如下：
- 送貨上門：首1Kg收費$30；每增加1Kg加收＄4.5，如此類推，不足1Kg亦作1Kg計算。
- 自提取貨：首1Kg收費$18；每增加1Kg加收＄4.5，如此類推，不足1Kg亦作1Kg計算。
3類貨品無法網購
另一方面，網購App上部分貨品會標明「只限門市發售」，亦即無法網購；此外下列3種貨物亦無法透過山姆App網購：
- 內地禁止出口商品
- 香港禁止入口商品
- 凍肉及水果等生鮮食品
」，
App內睇文同睇片可隨時捕捉U Fun彩蛋，
換領現金券及禮品！
【送飛🎟️】請您去《UNISON FEST潛台祭》🎧！
↓ 暑假最強音樂祭！睇KOLOR、Kiri T、雷同二友...↓
↓【限時搶⚡】勁賞霜瀛廚師發辦套餐！↓
↓ 嚴謹日本各地時令食材 / 高質江戶前風味Omakase！↓
