不一樣的爸媽|曾爛賭浪子回頭 七旬父賣平安包養大7子女 長子辭職接手長洲半世紀餅店

文: 蘇麗儀
2024.06.11

每年長洲太平清礁都會吸引很多人去看飄色巡遊和買平安包。ViuTV節目《不一樣的爸媽》日前一集講述一名70多歲的餅店老闆,年輕時曾因嗜賭令店舖停業和跟妻子離婚,幸之後浪子回頭重拾生意,賣平安包養大7名子女,現在更把生意交給長子打理。

同場加映:

管家王|實測街市裸買兩餸一湯慳幾多膠袋? 無包裝購物2大好處 

今年70多歲的郭師傅在中二便輟學,跟長洲開餅店的舅父學整餅,又曾在外學師,學成後回長洲開設「郭錦記餅店」,當時他已是3女之父,他憶起當年在店內放置BB床照顧女兒,且以前是用煤油爐蒸平安包,「蒸呀連埋腳毛都燒埋,嗰啲明火,咁呢十幾廿年慢慢改良咗呢啲好先進嘅蒸櫃」。

郭師傅後來又生了2名兒子Martin和Ryan,育有5孩的他卻染上賭癮,更令妻子心淡提出離婚,他形容「嗰時自己最落寞、最低潮,連舖頭都停咗一輪」。後來他在母親介紹下結識第二任太太,再誕下2名女兒,今次郭師傅終浪子回頭,用心做好生意養育7名子女。

郭師傅憶述年輕時創業非常辛苦,試過做足7日,日做10多小時,更試過做到蹲在廚房地上,但當時母親勉勵他撐下去:「阿仔,唔使擔心喎,捱捱吓就慣㗎喇,做做吓就適應㗎喇!」這番話令他堅持了近半世紀,「做任何嘢都好多困難,要慢慢逐啲逐啲解決」。

長子辭職回長洲接棒

郭師傅本身打算在50、60歲時退下來,結束餅店生意,但本身有一份好工的四子Martin決定辭職回長洲接棒,起初郭師傅並不支持,寧願兒子有一份穩定的工作,放假就休息、陪家人,但在Martin一再堅持下,郭師傅便全力支持兒子。

Martin指平安包對他意義重大,是他與父親的連繫,他亦在父親身上學會勤力和變通,「好少會坐埋一齊傾偈,佢唔係講畀你聽,佢係做畀你睇」。他憶起首日到律師樓做暑期工時,當日早上父親勉勵他:「你第一日出嚟做嘢,就唔好怕蝕底,乜都要做」,令他至今仍銘記於心,成為他的座右銘。

長洲開店 父子關係更親密

至於幼子Ryan亦在長洲開甜品店,當初郭師傅同樣反對,認為做生意太辛苦,但2名兒子都想嘗試,他便全力支持。Ryan形容父親工作忙碌,教育上都比較放任。現在兒子回長洲開店,反令父子關係比以前更親密,不時一起飲啤酒,郭師傅亦佩服幼子將甜品店打理得不錯,「咪由得佢,精神上支持佢,我體力係幫唔到㗎喇,佢問到我意見,咪講畀佢聽囉」。

郭師傅坦言,願望只是一家人齊人吃飯,有10名孫兒的他笑言有時都忘記了他們的名字,席間有孫兒表示長大後都想做生意,郭師傅笑言,

「如果我尚在人間就特別開心,如果我在天之靈就更加開心。人生嘅嘢一代傳一代 ,佢做得大我當然開心,做唔得大好似我咁捱世界都好啦,希望佢繼續努力。」

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】尚品即食燕窩銀耳露!↓

↓ 滋陰養顏助消化!/ 獨家優惠:HK$30網購電子現金券!↓

↓ 滋陰養顏助消化!/ 獨家優惠:HK$30網購電子現金券!↓

↓【社群請您睇】 "The Parallel Live" 音樂會↓

↓ 周國賢x方皓玟聯手合作↓

↓ 周國賢x方皓玟聯手合作↓