直播靈接觸|62歲鄧浩光相隔逾廿年再現身TVB 公開拍劇撞嘢經歷:「隻手斷晒筋」

文: 羅志宏
2024.06.12

由梁思浩、黃紫恩及黃耀英主持的TVB Plus(82台)靈異節目《直播靈接觸》,昨晚(11日)第16集邀來九十年代男神、已超過20年未有現身無綫節目的鄧浩光(Anthony)和「泰國通」Roger(胡慧冲)分享靈異經歷,其中鄧浩光更首度公開拍劇「撞嘢」整斷手!

62歲的鄧浩光身形比以往清瘦不少,因而惹來網友關注,亦有網友讚他有型有款,靚仔樣依然。梁思浩透露與鄧浩光相識時,當時鄧浩光的手部受了傷,而鄧浩光就首度在節目開腔談及此事,他說:「今次係第一次講,呢件事一直擺喺心入面,1989年時我喺友台第一次拍電視劇,劇情係講我做警員要追一架車,當時凌晨兩、三點喺火炭一個停車場拍。」

鄧浩光指事前多次排練都十分順利,他說:「之後有個工作人員話:『勁喎,咁多Fans睇你拍嘢。』我就話冇喎,咁夜邊度會有人,我自己冇為意,之後意外真係出現咗,我畀架車撞到,撞爆咗車頭玻璃,(展示手部傷疤)隻手斷晒筋,依家隻手啲筋係隻腳趾攞筋上嚟駁番,之後嗰個工作人員嚟咗探我,佢話記唔記得嗰日講過見到好多人,依家就知道唔係啦,佢話會唔會係搵替死鬼呢?」

「泰國通」胡慧冲大談與鄧浩光結緣的經過:「以前喺友台做Writer,2年之內去咗30幾個地方,有一半係同佢去,後尾唔使寫稿畀佢,同佢講一次佢就已經可以原裝講番出嚟。」鄧浩光笑言:「因為佢寫稿好專一,成日玩食字,啲套路我已經知道晒,佢未寫我已經知道晒。」足見兩人默契十足。兩人曾到泰國桂河大橋拍攝節目,該處在二戰時期死了十萬多人,兩人在當地齊齊遇上靈異事件!

鄧浩光說:「做幕前通常一個人一間房,幕後就Share Room,嗰日唔知點解唔夠房要Share房,之後酒店經理話其實有間房,但睇吓我會唔會住,我諗瞓一晚咩房都得,原來間房係老闆個媽媽長住嘅,入到去覺得幾陰森,有一部好古怪嘅衣車,同埋啲擺設都比較怪,我話唔緊要啦一晚就照住,我瞓嗰陣Feel到張床係Un下Un下,我同自己講攰得滯有幻覺啫,但係最奇怪,第二日準備Check Out預備開工時,Feel到張床係濕嘅,床冚被鋪都係唔乾嘅,之後喺衣櫃攞衫着,啲衫都係濕晒未乾咁樣!」胡慧冲則說:「嗰時好興着迷彩,撞到個Crew,佢話你啲Friend到咗,話成班迷彩軍隊喺外面步操,當時以為佢講笑,但諗吓呢度係桂河大橋,撞到都唔出奇!」

 

同場加映:【香港周圍遊】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【請您試用】Parisine全新香水身體護理系列↓

↓潔淨肌膚同時散發綿長持久的香氣↓

↓潔淨肌膚同時散發綿長持久的香氣↓

↓【限時搶⚡】位元堂美肌養顏糖水套裝 ↓

↓ 養血安神並潤膚美肌 / 從內而外煥發光彩!↓

↓ 養血安神並潤膚美肌 / 從內而外煥發光彩!↓