2020年港姐冠軍謝嘉怡雖然近年幕前演出不多，但她一直好有生意頭腦密密賺，繼年前豪擲100萬元投資健康飲品生意後，最近又創業，投資電子卡片生意，實行做冠軍級女強人！
同場加映：父親節快樂｜ 鄭俊弘兒患天使綜合症最享受沖涼 感激囝囝：佢令我學識活在當下
謝嘉怡選美入行前在蘇格蘭任職護士，從小在父親教導下，謝嘉怡學識儲錢及投資的重要，生活慳儉的她努力儲起六成收入，年僅21歲便買樓，目前在當地已有兩個物業，相當厲害。
謝嘉怡對做生意十分有興趣，當選港姐冠軍後，翌年便豪擲100萬元投資健康食品Allklear全清，成為其中一名投資者及首席品牌官。品牌發展有聲有色，更啟發她再次創業，開發環保電子卡片生意。
原來自從做生意起，謝嘉怡經常派卡片，發現收集的卡片又多又易遺失，同時浪費紙張。她與拍檔夏寶均等人合作，創立WHOSiFY電子卡片生意，利用環保物料製造的實體膠卡，用手機一嘟，便將個人檔案分享給工作上的朋友，夠晒環保。日前出席WHOSiFY發布會的謝嘉怡，以主人家身份在台上致辭，十足女強人風範！
另外，忙拍攝新劇《武林》的謝嘉怡，日前在網上發文，悼念在蘇格蘭因不幸交通意外離世的表哥。如今謝嘉怡已收拾心情，專心拍劇及生意發展。
圖片來源：IG
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
