陳瀅家新寵小短腳臘腸狗Wiskey 5個月暴風式成長變司華力腸

文: 余美鳳
2024.06.15

陳瀅本來家中已經有3隻小狗,包括「大佬」Diesel、「二哥」Baymax及「細佬」Kumo,早前又有新成員Wiskey加入,短短5個月已經大個仔咗好多,陳瀅分享同狗狗互動片段,網民都大讚可愛到犯規!

Wiskey係淺啡色臘腸狗,顏色比較少見,顏值超高嘅佢似足迪士尼動畫入面嘅公仔,見到就畀佢融化!飼養咗Wiskey 5個月嘅陳瀅紀錄低狗狗呢幾個月嘅變化,每過一個月就抱住佢對鏡拍一條小短片,片中見到本身可以一手掌握嘅Wiskey大得超快,到近日媽媽一隻手臂都幾乎抱佢唔到,暴風式成長為「司華力腸」狗。

陳瀅3隻狗都先後參與過電視演出,當中Diesel曾參演《愛美麗狂想曲》,Baymax則於《美麗戰場》亮相。陳瀅表示想多啲時間同狗狗相處,又想佢哋見吓世面,而每次佢哋都好聽話,如果需要用得上小狗拍嘢,自己嘅狗一定最聽話咁話。唔知第時可愛嘅Wiskey會唔會都有機會做明星狗狗呢?



臘腸狗最初於德國專門用來捕獵獾,獾會破壞農作物,喜歡居住於地洞,因此臘腸狗身形便被培育成細長、小短腿可愛模樣,如此一來可以於狹窄隧道穿梭,臘腸狗亦因此天性特別喜歡挖洞。另外,大多數說法指熱狗腸最早來自德國法蘭克福,美國當地採用咗臘腸狗嘅名,當時將熱狗腸取名為「臘腸狗香腸」,不過後來又出現 hotdog 呢個簡稱,臘腸狗香腸先被熱狗所取代。

圖片來源:Instagram

 

 

 

 

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【全城招募120隻毛孩】試用腳掌潔護SPA泡泡!↓

↓登記攞禮物番屋企↓

↓登記攞禮物番屋企↓

【請您試用】韓國夏日防曬套裝☀️!

↓ 一次試勻4款防曬好物↓

↓ 一次試勻4款防曬好物↓