香港的士服務近年被唔少市民批評，其中唔少人都表示受到不禮貌對待，因為咁唔少人棄用的士改用其他交通公具。日前陳嘉寶（Anjaylia）喺社交平台分享佢經歷，唔知大家又有冇遇過同樣情況呢？
Anjay日前Post出story，指自己喺街上截到一架的士：「上咗車，講咗去邊。架車開咗無耐司機就同我講嘢，咁啱要覆msg 聽唔到、只係隱隱弱弱（約約）聽到佢講：『唉！你……』」Anjay指自己覆完message之後對方又再講多一次：「啱啱接咗你上車吃，如果唔係我就接到支去機場嘅旗啦。就爭嗰少少，接咗你，真係邪。」
Anjay都唔知畀咩反應，佢就話自己當時惟有扮聽唔到，到佢落車時，畀埋錢，司機找完錢之後又再怨婦上身吟吟沉沉，Anjay表示：「到底係佢嘅喃喃自語太大聲？定係佢真係想同我講？如果佢真係想同我講，我畀咩反應好呢？P.S.佢係唔識我嘅。」
根據《道路交通（公共服務車輛）規例》（香港法例第374D章第37條），的士司機如無合理辯護，不得拒載、兜路，否則將可能面臨罰款10,000元及監禁6個月。不過以上情況，司機並冇拒載，但唔「欣然」、吟吟沉沉嘅心理攻擊都的確會令乘客非常無奈同反感，被埋怨嘅觀感自然會差，自不然「趕客」。而為挽回市民歡心，「的士禮貌運動」正係進行得如火如荼，未知道如果「害群之馬」態度改善，的士服務質素提升，仲可唔可以令市民多啲幫襯番呢？
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
