資深藝人、曾在劇集《天師執位》飾演「大粒癦」的廖駿雄，上月不幸病逝，終年64歲。2021年廖駿雄確診胃癌第四期，抗癌一年後一度控制病情，惟今年初癌病復發，據知後來他又做膽管手術，情況反覆，最終因肺炎離世。廖駿雄的喪禮昨日（14日）於大圍寶福紀念館設靈，讓親友作最後道別，仔女都有在場，囝囝廖家爵是現職TVB藝員，參與不少劇集拍攝工作。
同場加映：父親節快樂｜ 鄭俊弘兒患天使綜合症最享受沖涼 感激囝囝：佢令我學識活在當下
靈堂以簡單佈置為主，廖駿雄生前好友周潤發、翁靜晶、古天樂、韋家輝、杜琪峯夫婦等都有送上花圈。廖家爵接受傳媒訪問時，被問到爸爸的病況，他表示中「冇人諗住佢咁快走，入咗醫院個幾月，本身因為膽管問題入去，個人突然黃咗，就入醫院做膽管手術，之後情況好反覆不斷發燒。後來難出院，因為佢成日要檢查禁食，一直留院，但身體開始衰退，去到後期，最後一兩日先話我哋知佢確診肺炎，幾日好快就走咗。」
家爵表示爸爸生前的好友非常有心，事後紛紛向媽咪慰問，亦有很多花牌，問到父子之間的難忘事，家爵忍不住悲從中來忍不住眼濕濕，「同爸爸相處點滴好多，由細到大佢教我好多嘢，叫我自食其力，演戲方面好少問佢，好難開口，男人同男人之間少嘢講，唔識開口，比較大男人啲，直至佢走嗰陣先，有啲嘢同佢講。」家爵透露爸爸離世頭幾日，不時都有報夢給他，「有一次係夢入面，佢喺張病床，見到媽咪，佢突然間起身幫媽咪冚被。另一次佢又嚟咗個夢，然後攬實我，我唔敢同媽咪講，因為媽咪都好掛住佢。」
廖駿雄生前的好友杜琪峯、方中信夫婦、黃日華、蕭正楠夫婦、劉江、謝寧、譚玉瑛、林韋辰以及跟廖駿雄同期藝員訓練班同學魯振順和湯鎮業都有現身靈堂致哀，湯鎮業接受訪問時表示：「我哋成班同學玩得好埋，我住南丫島，駿雄住上水，離清水灣電視城返學好遠，所以我哋租個地方一齊住，瞓上下格床，所以感情最好。佢年紀細但組織能力高，係全班嘅開心果，記得當時入訓練班，佢爸爸係馬會會員，好大方帶我哋去玩。」
魯振順透露當年他是班中較文靜的人，但感激廖駿雄幫過他一個大忙，「我去到人生一段路途，佢幫我好大忙，畀地方我住，令我度過人生一個好大難關，佢係大情大聖嘅人，平日粗聲粗聲對我但好細心，好有義氣。」
」，
App內睇文同睇片可隨時捕捉U Fun彩蛋，
換領現金券及禮品！
↓【6月限定雙重賞🎉】！↓
↓ 分享打卡靚相即免費送📸↓
↓【送禮】「唧唧裝」驅蚊劑！↓
↓滿分好評！一支驅蚊＋防床蝨～↓
