袁嘉敏內地性感登台搵真銀 風騷扭腰與觀眾零距離超敬業

同場加映：無人之境│周國賢離婚後未有膽量再闖情關 周家怡曾愛得盲目變奴隸被嫌棄

現年39歲嘅袁嘉敏雖然冇做演員，但身材仍然keep住好弗，日前一位內地酒吧嘅員工分享袁嘉敏去到佢哋酒吧登台嘅片段，留言：「盡情釋放來自靈魂的餘熱，探索夢幻世界的浪漫序曲。」片中Candy着上一襲紅色緞質低胸紅裙，非常sexy咁唱出《紅日》。Candy高音甜中音準，好過唔少歌手，而佢仲好親民咁同台下觀眾互動，俯身同佢哋「隔棒」握手，非常敬業！

唔少網民都留言話不敢相信Candy去到內地酒吧登台，紛紛留言大讚佢索，仲示愛話想佢做女友！

+26

+25

點擊圖片放大

Candy單身多年，網民對佢嘅感情生活都十分關心，袁嘉敏多年前接受訪問直言希望可以覓得真愛早日結婚，不過稱遇到嘅追求者唔係結咗婚，就係離咗婚有好多問題，更自認自己生成「二奶樣」。Candy 2022年突然於IG炮轟鍾培生父子係人渣，表示：「One year with the Cheung, what a nightmare. (在鍾家的一年是一場噩夢)」直指鍾氏父子絕非好人，直，而且父子會有「古怪要求」，事件震撼全城。

Candy後來再講到鍾培生關係：「嗰陣相處都ok，雖然有啲嘢我係忍緊，但係就未話喊咁樣嘅。但係後尾就太唔開心，都喊得幾犀利咁，就咁樣發生咗件事。其實嗰陣係有人主動嚟搵我，就話鍾意咗我好多年，終於想識我喇。一開始其實都覺得唔啱㗎喇，因為大家嘅諗法同性格都好唔同，就希望慢慢轉化變咗做一個細佬咁樣啦。呢段關係中100%係由人哋主動提出，由人哋主導。我都知香港係個比較實際嘅城市，有時候個意識形態都會覺得有錢嘅男人就係筍盤，但係我就會着重彼此嘅性格同想法係咪合適同合拍，因為日日都要對住嘅時候，你同佢講嘢溝通都唔係咁好，咁就真係無必要去發展。」

圖片來源：抖音 Instagram