Tyson Yoshi遭重手P圖變漫畫眼 驚變天王級歌手 未婚妻都唔認得?

文: 余美鳳
2024.06.22

歌手Tyson Yoshi(程浚彥)大隻靚仔,向來是歌迷的集郵對象,早前有女網民大曬二人合照,誰知網民竟重手P圖,不但將Tyosn蛇精化,更驚變天王級男歌手後生版,真正「阿媽都唔認得」。

Tyson Yoshi靚仔又專一,早前他在加拿大開演唱會期間,突然在台上向觀眾說:「有隻歌想唱畀女朋友聽。」台下觀眾立即起哄嗌「求婚」,而拍拖七年的女友Christy在工作人員陪同下上台。Tyson突然單膝跪地向女友求婚,自己亦感動得流下男兒淚,Christy亦眼濕濕,但不忘戲弄男友,不斷轉換手指讓對方戴戒指。二人在台上擁吻,Tyson得米大叫「Yeah」,獲歌迷齊聲祝福!

即將「封盤」的Tyson魅力沒法擋,有女網民上載與Tyson的合照,雖然笑言「生擒Tyson Yoshi」,但只是普通合照一張。不過,女網民P圖太重手,令Tyson慘變蛇精男,不但皮膚滑到反光,雙眼亦變成漫畫眼,驟眼睇竟然似後生版郭富城!唔少網民笑網民美顏太過份,令Tyson面目全非:「P到😂😂😂唔係啲紋身都認唔到ty」、「童顏TY」、「Christy都認唔到」等。有人指女網民心地好:「會幫隔籬嗰個p埋嘅都係好女仔。」有網民搞笑指連Tyson臉上highlight都P得充足:「個鼻開咗光」、「認唔認到自己」,除了城城,亦有人覺得相中的Tyson似Jeffrey魏浚笙。

至於合照的女網民,搞笑解釋P圖並非她的意願:「哈哈哈 ,無辦法原圖我出唔到,用咗朋友電話濾鏡影」、「我自己都覺得唔似佢,係我美顏過度咗!」

 

 

圖片來源:小紅書、IG

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【全城招募120隻毛孩】試用腳掌潔護SPA泡泡!↓

↓登記攞禮物番屋企↓

↓登記攞禮物番屋企↓