日前44歲嘅歐倩怡離婚後首次受訪，唔少人睇完之後都批評佢，歐倩怡更加關閉埋社交平台留言功能；同時，都有好多人同情佢，表示佢感覺同社會脫節多年訪問時表現突兀亦非佢所願。
歐倩怡再次成為「人氣」討論人物，日前有網民cap低佢社交平台嘅自我介紹，並拎佢同馬浚偉比，留言：「係咪依家時興。」歐倩怡同馬浚偉嘅自我介紹都同樣係水蛇春咁長，當中有：「英國註冊運動營養學家(SENr)👩🏻⚕️、MSc 體育及運動營養學（碩士）、PgC 社區營養學、BSc (1st hon) 食物及營養學（學士）、BSc (Hon) 市場學及管理學（學士）、持牌健身教練以及小丸子。」
唔少人睇完歐倩怡訪問後都批評佢講嘢感覺「巴喳」，而且講起一啲人所共知嘅事時眉飛識舞，感覺無知，又不時強調自己學歷「扮嘢」。然而，其實同時都有好多網民都對佢「深表同情」，：「佢盡力攬住學歷同資格，係佢唔做家庭主婦外僅剩嘅『社會身分』。」、「佢努力希望表現出自己冇同社會脫節。」、「看着她有點像看到一隻被關在籠中太久要重新進行社會化訓練的動物，說真的挺難過的。」、「感覺佢缺乏自我認同，其實好同情佢。」
今年快將滿60歲的郭晉安同現年44歲嘅歐倩怡早前突然宣布離婚，二人結婚17年並育有一子一女，歐倩怡於孩子剛出生那幾年，以及到讀幼稚園時做司機每日接送做一個不折不扣嘅師奶，喺子女心目中媽咪好似咩都唔識，佢曾經指阿仔研究特技、化妝、演戲，知道阿媽唔識會同爸爸研究；知道媽媽要工作，覺得不外乎『執』餐單、營養學；同仔仔講自己會唱歌的，就會笑佢：「bili bala囉。」歐倩怡其實近年都積極重投社會，完成 Master以外，不停揾唔同嘅嘢學習。
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
