旅遊節目《潮什麼》系列的主持梁芷珮（Christy）帶觀眾去不同的國家旅遊體驗，而且作為三孩之母的她形象正面，大受網民和廣告商歡迎，所以近年似乎收入急升，屋企越搬越大。一家五口連埋一隻狗狗原來住青衣700呎單位，後來搬到970呎的西九龍三房單位，不過近日租約期滿，Christy決定搬入離島區，希望全家人住得大啲舒服啲！
其實Christy早前就已經預告要搬屋，更帶埋仔女一齊去唔同地區睇樓，但心情仲係十五十六未有決定，她留言說：「原來租約期滿，都唔知搬唔搬好！今日睇嘅樓其實好鐘意，遠咗不過大咗，價錢又差唔多，不過唔知啱唔啱！」她有睇過屯門區獨立屋，更有拍片記錄，直至近日見她一家都忙過不停「Pack箱」執嘢就知最終決定搬走。在西九住足三年，難免會不捨，她留言說：「要同呢間我哋好鐘意嘅屋say bye bye （講再見）喇！住咗3年，真係好唔捨得，3年已經有好多好好嘅memories（回憶）喺度，多謝呢間咁好嘅屋！」
Christy昨日分享新居的影片，見到大廳超級闊落，而且落地玻璃外的露台很大，令景觀開揚相當舒適，雖然只是短短約半分鐘的介紹，但明顯見到廚房相當之大，亦有不少的房間，Christy有三名子女，相信三房至四房都少不免。她接受本網電話訪問時表示：「之前間屋租約期滿，加上小朋友大，想要大啲空間，同埋就佢哋返學地點！呢個單位係大過原本西九嗰度，因為係相連單位，而且我都係睇中呢個大露台，所以搬入嚟！（買定租？）租嘅，我都想買到，呢度咁靚！仔女最開心，因為空間大咗又有露台，老公好開心因為佢鍾意煮嘢食，而家廚房好大，又有露台，佢就可以整最鍾意嘅BBQ。」
人氣旺盛，連搬屋都獲得贊助，Christy表示很開心獲得裝修公司為她設計家居，她說：「我冇乜特別追求咩風格，舒適為主，呢間屋本身已經裝修得好靚，同埋好多build-in（嵌入式）嘅儲物櫃，加少少型格傢俬同少少裝修就一定好有型，相信一定比我之前間屋乜都自己搞會更加靚。」
港生活人氣本地熱話
【請您去旅行✈️🌎】
↓登記領取HK$1,500 旅遊資助金💰！↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
