Frankie女友驚爆AK曾秘撻沈殷怡？IG截圖流出指被人封鎖：「你條仔一直有偷食」
男團MIRROR近日爆出「Frankie之亂」，Frankie女友Christy連環被「唧牙膏」式爆料，IG密友限時動態的截圖於網上瘋傳，花生指數一日比一日高。日前就再有驚人爆料，有Christy的IG截圖流出，暗指MIRROR另一成員AK疑似曾經秘撻沈殷怡，而Christy更嬲爆謂「你條仔一直有偷食架」！
最新更新：
AK今日出席新歌宣傳活動時，就首度開腔回應有關近日Frankie女友的事件，被問到有否曾經追求過Christy時，AK就直接回應，自問「冇」，又澄清回覆story只是剛巧彈出有通知，有興趣回覆便會回覆，而「封鎖」一事則純屬IG有故障，不時都有Unfollow及block的事情出現。
同時，AK亦開腔回應有關被指與沈殷怡撻着的傳聞，表示與沈殷怡識咗好耐，是多年以來的好朋友關係。另外被問到會否與Frankie關係尷尬時， AK亦大方表示見面不會尷尬，因為大家都是兄弟。
「Frankie之亂」爆出後，Frankie女友Christy的爆料持續發酵，鑊鑊新鮮鑊鑊金，最新就再有IG密友限時動態的截圖流出，其中一張截圖了Christy和Frankie之間的對話，截圖中見Christy寫道：「好彩有BB錫返」。內容大致意思為Christy本向Frankie表示「好嬲，咩都冇做過俾人block」，而Frankie則以一張嘟嘴自拍回覆冧女，寫道：「錫返好無」。
而另一張截圖就終於揭開「Christy被block」之謎，原來Frankie的女友Christy疑似被似乎被AK封鎖。從截圖顯示，Christy轉發了沈殷怡的帖文相片，，並寫道：「呢個大陸阿嬋樣既（嘅）三線奀星，逼ak block完我仲要特登黎睇我story宣示主權，收皮啦八婆，你條仔一直有偷食架onX」，直接爆了AK、沈殷怡的拍拖關係，並認為沈殷怡煽動了AK封鎖她。
AK與沈殷怡都是Makerville旗下藝人，二人曾於MV裡合演而有幕前的緣份，沈殷怡曾於2020年為AK的solo歌《蝸牛》擔任MV女主角，因而有網民猜測二人之後發展成戀人關係。
同場加映：【衝出嚟玩】最新影片
港生活人氣本地熱話
↓【限時搶⚡】Orca Skincare芭絲特貓神魔幻養肌蜜粉↓
↓櫻花粉色增添紅潤血色感｜蜜桃粉橙色提亮膚色↓
【請您去】iSQUARE國際廣場「爆」趣童玩之旅💥
↓ Striking爆炸糖Strikids(爆炸仔)小隊✨ + 本地懷舊玩意元素🙌 ↓
