巴黎時裝周丨黃偉文爭輸埋單後輩出大絕請客 與盧瀚霆AL擺難頂甫士「偏好」與姜濤合照

文: 余美鳳
2024.06.22

黃偉文(Wyman)近年長居地,身為潮流教主嘅佢幾乎都唔會錯過任何一個大型時裝周,日前唔少香港藝人都去到巴黎參加時裝周,而MIRROR嘅Anson Lo(盧瀚霆)同姜濤都有現身,仲趁機同前輩飯叙添!

Wyman 一早身在巴黎,佢同姜濤同Anson Lo一早已經約見面食飯,大家忙搞到反覆取消,幸好最後緣份都令佢哋可以食得成:「上次3月倫敦茶聚已經開始夾時間6月巴黎食飯。結果又食到又食唔到又食到又食唔到反覆咗幾次,本身已經放棄咗,終於喺兩日前又突然「撈」得返(海底撈月個撈唔係𢱑撈個撈),大家犧牲瞓覺時間喺 Paris 10點先開飯食到過咗半夜⋯⋯」

一向好提攜後輩嘅Wyman 諗住一盡「地主之誼」請客,不過估唔到都上演中國人經常出現嘅戲碼「爭埋單」,始料未及嘅Wyman仲畀兩位後輩「出大絕」爭輸咗:「唯一尷尬位係,我負責 book 餐廳諗住請客,所以點菜時懶豪亂叫一通叫到成枱都係希望唔好待慢啲客人,結果臨尾畀人偷偷埋咗張單。下次無論喺地球上邊度偶遇,求吓你哋畀我請,好唔慣唔係有大食大,畀年紀細過我嘅人請我食飯。🙏🏻不過,呢餐係開心嘅。」而預先埋單呢招都認真貼心,大家唔使喺侍應生面前爭來爭去!

 

見到Wyman repost嘅合照都知佢哋真係好開心,佢先係repost同AL嘅合照,留言:「被要求做一個我平時點都唔肯做嘅動作,所以要REPOST紀念一下。」相中嘅佢同AL都喺面側用手做出半個心形嘅動作,兩個仲嘟起嘴仔,非常Kawaii;而Wyman repost同姜濤合照就相對「順攤」,留言:「唔知點解,我比較接受到咁樣單手畀心,幾廿歲人仲用面珠,我真係唔係幾頂得順,哈哈哈哈……」相中Wyman就淨係用姆指同食指比出小心,相對低調!

圖片來源:Instagram

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】位元堂美肌養顏糖水套裝 ↓

↓ 養血安神並潤膚美肌 / 從內而外煥發光彩!↓

↓ 養血安神並潤膚美肌 / 從內而外煥發光彩!↓

【請您試用】韓國夏日防曬套裝☀️!

↓ 一次試勻4款防曬好物↓

↓ 一次試勻4款防曬好物↓