陳欣茵撇拍拖2年半男友自拍喊片 被鬧作狀虛偽寸網民少戀愛經驗

文: 余美鳳
2024.06.25

剛踏入28歲嘅前J2咪神陳欣茵(Yanyan)日前突然拍片宣布「放盤」,同拍拖兩年半嘅男友分手,仲剪成影片同大家交代。網民反應兩極,有人高興佢重投市場,不過都有人表示佢呢個行為虛偽兼作狀,仲揚言要unfollow!

陳欣茵去年9月初宣布離開效力五年的TVB,當時一直有傳她準備嫁人上岸,之後曾拍片否認,更自稱是「不婚主義者」。而日前佢更自拍多條喊喊片同日常生活片,再加上獨白宣布已同男友提出分手一段時間,佢留言:「還是覺得要交代一下……也想告訴那些正在經歷情緒低潮的人,你們並不孤單,抱一抱你們。大家可能在未來的YouTube影片中還看到他的身影,但都是早前拍下的影片,工作還是要繼續,影片還是要繼續發。感謝前任的體諒和支持,影片發佈都是經過他同意的,大家不用猜測和疑惑。」

片中陳欣茵影低自己唔同時刻嘅喊喊,仲穿插一啲同前度嘅甜蜜片段,竟然引起網民反感,留言:「好作狀。」、「扮嘢到。」、「自己提出分手,有乜好傷心?乜嘢心態?最搞笑係咩呀?成個IG都冇男朋友個樣出現過,有冇男朋友真係唔知,分手先嚟公布。」陳欣茵都有逐一寸嘴回應:「你仲搞笑,覺得你仲關心過多過我爸爸媽媽,好感動,多謝你。」、「主動提出分手唔等於唔愛,認真經營過一段感情真心愛過對方。無論係講分手定被分手嗰個都可以傷心,少經驗就唔好拎出嚟講啦。」又有人認為佢分手都要「消費」,佢就表示:「去旅行食飯化妝換衫都可以砌條片,分手都得,我工作嚟。That’s part of my life.(這是我生活的一部份。)」

 

 

陳欣茵2017年獲TVB邀請成為《後生仔傾吓偈#》主持之一,其後更成為《學是學非》的末代是非精,間中有拍劇,直至去年9月宣布離巢,現時有在HOY TV拍綜藝節目,亦有司儀、KOL及網店老闆等工作。

圖片來源:Instagram

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【全城招募120隻毛孩】試用腳掌潔護SPA泡泡!↓

↓登記攞禮物番屋企↓

↓登記攞禮物番屋企↓

↓【夏日送禮】送麒麟一番搾啤酒及夏日和風禮品套裝!↓

↓登記即有機會攞禮物番屋企↓

↓登記即有機會攞禮物番屋企↓