莊思敏暗示有壞人「黐住」屋企 家人「飲晒迷湯」網民建議報《東張》

文: 余美鳳
2024.06.25

44歲馬來西亞拿督千金莊思敏(Jacquelin),家族資產估計約8億元。向來真性情又敢言的她前日(21日)在社交網突然向網民求助並詢問意見,更一度呻某人對家人圖謀不軌,引起網民關注及討論!

 

莊思敏在社交網站寫上:「如果你發現一個壞人黐住你屋企人,但你屋企人又唔覺得佢係壞人,你會點做?」莊思敏言論並沒有提及任何人的名字,或發布任何照片,不過就有網民聯想到一直未「入門」嘅「妹夫」楊明,更留言提問;又有關心她的網民留言鼓勵表示:「先保護自己,再盡量保護家人,以防發生total loss」、「保護家人,叫個壞人唔好再喺屋企人面出現!」更加有唔少網民叫佢報《東張西望》!

事後莊思敏已經del post,又受訪表示係個天大嘅誤會,指自己純粹睇到其他新聞,無聊問吓呢個問題,唔係發生喺自己身上,叫大家唔使太擔心:「呢個誤會我真係有必要澄清,因為搞到我嘅家人同身邊朋友都非常擔心,每個家人都打嚟問我,究竟發生咩事,你講緊邊個,其實係冇事發生,我只係睇咗新聞,想同大家討論吓啫!」

 

 

莊思敏、莊思明及莊思華嘅馬來西亞拿督父親莊寶,上年2月於香港離世,享年83歲。莊思明男友楊明當時亦在腰間綁白布戴孝。楊明對拿督離世表現得非常不捨,當正係老竇:「UNCLE之前係好開心嘅老人家,對人好好,好鍾意笑,無論面對咩問題都會正面面對。(臨終前有無咩說話交帶你?)我有同佢講唔使擔心我地我會照顧佢哋啦。」而楊明同莊思明嘅婚事亦因此再次推遲,不過楊明早已融入家中,同真正一家人冇分別。

圖片來源:Instagram

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】位元堂美肌養顏糖水套裝 ↓

↓ 養血安神並潤膚美肌 / 從內而外煥發光彩!↓

↓ 養血安神並潤膚美肌 / 從內而外煥發光彩!↓

【請您試用】韓國夏日防曬套裝☀️!

↓ 一次試勻4款防曬好物↓

↓ 一次試勻4款防曬好物↓