反黑英雄丨袁偉豪被嘲衰老現腩凌晨上水反駁 47歲陳山聰考DSE入學堂勁突兀

文: 余美鳳
2024.06.25

TVB新劇《反黑英雄》昨晚(24日)首播,袁偉豪挑戰奸角陳祖耀,一出場就殺警,演出非常搶鏡!不過唔少網民認為袁偉豪外表唔襟老,更疑似中年發福肚腩現形,令袁偉豪凌晨3點都要「上水」澄清!

《反黑英雄》首集一開始就動作連場,講述5年前的袁偉豪打劫金舖,撞正鄭啟泰、陳山聰、張振朗及林景程的PTU小隊,袁偉豪因錯手槍殺鄭啟泰而走佬去泰國,誰知被對頭黑幫陷害而入獄5年,出獄後回港決心報仇。袁偉豪挑戰奸角祖哥,演繹打劫時的兇狠、錯手殺人的一絲驚恐、坐完監的陰沉等,角色立體好有發揮,表現不俗。

有網民大讚今次袁偉豪的造型令人想起《使徒行者2》的經典角色天堂哥:「這次阿ben做壞人,妝髮順眼好多,一度回春甚至夢回那個巔峰的天堂哥。」該網民讚還讚,但對袁偉豪身形有意見:「阿ben是不是月子飯吃太多了,怎麼有肚子了😂」而電視畫面亦見到袁偉豪揹住斜孭袋,疑似肚腩現形;在乎網民意見的袁偉豪,竟然在凌晨三點回覆澄清:「這個是腹直肌。」

43歲的袁偉豪近年被指「暴風式衰老」,尤其兒子出生後,幫手湊仔的他更加眼紋暴現,無復2017年《使徒行者2》天堂哥及2016年《城寨英雄》牙佬的有型靚仔。今次他在《反黑》的造型起初睇落年輕了,但一除口罩卻顯老態,額頭火車軌、眼紋及法令紋明顯,感覺好憔悴。網民開post道:「天堂哥做咩老咗咁多?看到《反黑英雄》裏的天堂哥居然老過陳山聰,男人還是需要注意保養啊!」有人亦附和指「曹永廉60後,睇落去同袁偉豪一個年紀」,想不到袁偉豪竟然mon實小紅書,並回應:「天堂哥已經係7年前,老都係正常。」

 

 

此外,昨晚《反黑英雄》出現奇怪笑位,事緣飾演警察軒神的陳山聰一開頭以內心獨白介紹自己,表示考入學堂想做想做幫辦,膊頭有花,但可惜因DSE英文不及格而要補考。奇怪在2012年才有首屆DSE,假設劇中的軒神考第一屆DSE時18歲,那麼2024年的軒神才30歲;而現實中的山聰已經47歲,外表又並非特別童顏,令人聽起來十分突兀。

點擊即睇全盛時期天堂哥及牙佬:

 

圖片來源:電視截圖、小紅書

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】請您食卡樂B Potaland® 酸忌廉洋蔥味薯片!↓

↓ 濃郁開胃的酸忌廉味 + 香氣四溢的洋蔥味!↓

↓ 濃郁開胃的酸忌廉味 + 香氣四溢的洋蔥味!↓

↓【限時搶⚡】勁送小牧味屋高鈣梳打餅套裝!↓

↓ 一套6包:芥末味 / 蕃茄味 / 黑芝麻味!↓

↓ 一套6包:芥末味 / 蕃茄味 / 黑芝麻味!↓