熱愛香港動作電影的謝霆鋒，由19歲打到現在40多歲，仍然瞓身演出。他與張學友、林嘉欣主演的全新電影《海關戰線》繼續出盡力打，今次還首次擔任電影的動作指導，設計戲內每個演員的動作演出。為免因為科技而取代過往本地動作電影的特色，他堅持拒用CG技術，動作場面也不用替身，盡量出動真功夫，真實性越高，令觀眾睇得更肉緊投入。
《海關戰線》講述三位飾演海關部門內不同崗位的角色，作為高層的林嘉欣，以及兩位前線謝霆鋒和張學友，帶領著衛詩雅、關智斌等人一起擊退悍匪，所以不時要面對多場動作、爆破的危險場面。今次電影海、陸、空都出齊，謝霆鋒和張學友會有大量危險動作場面，其中謝霆鋒被吊上近6、7樓高空拍攝與悍匪搏火，由於節奏明快，觀眾都睇得十分肉緊。
謝霆鋒、林嘉欣早前為電影宣傳做訪問，提到電影內其中一個大型場口，謝霆鋒因為要用大量道具，幸好事前都要作出準備，拍攝時都尚算順利：「今次套戲用好多重型道具，車、船、貨櫃，呢啲每個幾千磅至噸位去計，危險性唔可以有任何差錯，如果唔係會碎骨。嗰幕直升機吊住貨櫃，貨櫃拉住架車喺半空，我由貨櫃跌落車擋風玻璃，攝影師要拍住我由貨櫃碌落去，嗰日剛落完雨，地下較滑做動作係有啲難，而攝影師仲難，因為佢拎住部機追落嚟，如果佢拎唔住部機，6、70磅嘅機跌落嚟追住我頭壓落嚟，製作困難，但呢啲動作少見。」
身為這戲的動作指導，謝霆鋒為各位角色度身訂造動作，他讚前輩張學友身手敏捷：「一向鍾意睇佢戲，但咁多年冇真正合作過，細個就聽佢歌，真係好似戲入面角色，似大前輩師父，學友哥好好身手，協調性子高，而且佢學動作好快，我哋武術組當佢影印機，睇一次基本上已經可以copy到動作出嚟，平時佢有打網球，所以設計佢用短棍畀佢，佢揮灑自如，動作戲拍得好快。」
林嘉欣在男人主導的電影中出現，打鬥的場面幸好不多，但仍然有開槍駁火的場口，開拍前都不斷要練習。她還笑言不想太多打戲，覺得自己的文戲較在行，這次的挑戰，沿於她的角色性格威嚴，在短時間內升做管理層，所以要力壓其他競爭上位的同事。由於她一直使人有柔弱的感覺，所以她為此刻意塑造形象較有說服力：「今次第一次做紀律部隊，著起制服好快就入戲，有種專業、緊慎小心，好自然，休息放飯我都著住制服keep住。事前我仲同導演講，畀我留3、但個月白髮，戲入面係我真白髮，呢啲小小嘅設計，幫我入戲。角色佢係事業心好重，而且隨住查大案，會越來越多白髮，代表真係好多煩惱。」而今次更與吳鎮宇幾場對立戲，互相交流演技，大過戲癮。
為了這戲，謝霆鋒操到一身肌肉，而且打得入型入格，差不多去到忘我境界，他說：「事先鍛鍊多啲，身體要柔軟啲。我打打下先記得海關制服係短袖，連護墊都攝唔到，後來仲要有動作擋棍，拳腳，手腳腫晒都太遲，其實都練到自己如鋼筋。」
謝霆鋒搏命演出都不是第一次，以往在《怒火》、《男兒本色》、《特警新人類》、《新警察故事》等都瞓身演出，與成龍在會展頂上拍打鬥戲都好經典。熱愛香港動作電影的他，已經組了自己的班底拍攝：「我哋8、90年代動作盛世時，係因為呢啲動作電影語言可以令國際都知道，嗰陣冇CG，而家《海關》我堅持真做，對我哋嚟講演員冇痛楚冇冒險，冇風險成份，係特技電影而唔係動作電影。觀眾睇住我哋冒險，先會感受到嗰份緊張。」
由19歲打到40歲，謝霆鋒的母親拉姑就擔心足咁多年，做仔的不時解釋令母親多理解，可較安心：「佢都知我堅持，我有同佢講係搏，但我唔係傻，做好多research 加好多安全措施功課先會做嗰啲動作，身上著火唔係畫，係真火。佢應該慣咗，不過返到屋企見到我眼角多咗疤痕，先炳我一輪，」
不過，近日拉姑迷上《中年好聲音》的譚輝智，在《海關》首映當晚，他倆一齊捧謝霆鋒場，做仔的不呷醋反而好開心：「我媽咪成日講起嘅，冇呷醋，恭喜佢哋啦，呢啲係好事嚟嘅。」講到咁，點解講到似結婚嘅？
謝霆鋒
髮型：Ricky Kwok
服裝：Valentino
形象：Queenie Yu
林嘉欣
髮型：Kristy Cheng
化妝：Shuen Kong
服裝：Bottega Veneta
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
【登記領取💰】Facesss HK$200現金券！
↓無最低消費要求～免費入手美妝護膚品🛒💗↓
