《2024香港小姐競選》最近進行得如火如荼，第二輪面試將於下月2日舉行，一直被視為「郭珮文2.0」的佳麗丁雨然宣布退選，她未有透露退出原因，故未知是否緊張所致。事實上，每年都有不少參選佳麗會突然退選，就連2015年的港姐亞軍、擁億萬家底豐厚的龐卓欣（Ada）亦不例外，早前她在拍片分享當年選美經歷，大爆自己當年驚到差點想退賽，即入內文睇睇啦！
日前（26日）龐卓欣在內地社交平台「小紅書」上，拍片分享自己當年差點沒有參加港姐競選的經過。她憶述，當年搭車到TVB電視城時，被車外追訪的記者嚇倒，讓她一度萌生起退賽的念頭，「始終呢個場面我自己係未試過嘅，所以當我見到咁多記者湧上嚟然後影相呢，我嗰時係諗住即刻縮沙㗎。」
龐卓欣直言被記者嚇到不想參選
當時龐卓欣驚到躲在座位下，甚至打電話給媽媽，直言自己不想繼續參選。但媽媽就鼓勵她要勇敢嘗試，回想起當時狀況，龐卓欣笑言：「我真係好慶幸媽咪當時的意見，而唔係叫我即刻走，因為好多嘢都係一剎那之間的決定就會改變了人生的方向。」
多得媽媽安慰 龐卓欣最後決定繼續參選
龐卓欣認為，若當初沒有參加香港小姐競選，直言自己現在很可能不會成為一名KOL、音樂老師，「如果我嗰陣時唔係打電話畀我媽咪，我諗我都真係會掉頭走咗，然後冇參加過香港小姐，就應該唔會做到好似而家咁樣嘅influencer，或者教唱歌亦都可能會難啲有學生。」
港姐卸任後唔入行轉型做KOL
龐卓欣於2015年參選香港小姐競選，不但成為當年大熱門之一，最後更勇奪亞軍。雖然贏得港姐亞軍，但龐卓欣並未有簽約無綫（TVB），卸任港姐後隨即轉型做KOL，經常在社交平台上分享日常生活、美容護膚知識，同時亦擔任音樂老師教小朋友唱歌。
龐卓欣家底厚到「唔憂做」
沒想到，原來龐卓欣本身家底相當豐厚，有傳其父身家逾億萬，家境富裕的她根本「唔憂做」。據了解，龐卓欣爸爸除了是基金經理兼股評人，同時也是東驥基金管理董事總經理龐寶林，與不少政界猛人關係良好。在「富爸爸」的資助下，龐卓欣早在2015年已榮升做業主，當年她豪擲約1200萬元購入銅鑼灣一個700呎單位，年紀輕輕已實現上車夢。
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
