僱傭關係也可親如家人。一名女網民早前入院期間遇到鄰床一名婆婆，婆婆訴說子女對她甚少理會，只有同住的外傭每天前來探望，替她揼骨、按摩，形容兩人關係猶如婆孫，而她最大的心願是早日見到外傭出嫁，不用再在香港當家傭。
同場加映：
一名女網民本周三（26日）在Facebook群組「表揚好姐姐開心分享區」中發文，表示自己並無請外傭，不過數年前住院期間，鄰床一名約60、70歲婆婆告訴她，子女甚少理會她，只有家中約20歲、與她同睡一張碌架床的印傭，平日會跟她談心事，婆婆亦很信任她，二人關係猶如兩婆孫，「婆婆同我講，啲錢擺喺間房度從來都唔擔心，佢唔會掂佢啲嘢，兩個感情好似婆孫咁」。婆婆當時指自己有一個心願，就是希望可以早日見到印傭結婚，嫁人後不用再在香港做外傭，「驚自己走咗之後，唔會有個好僱主」。
事主住院期間，亦見到該名印傭每天2次的探訪時間都會到醫院，帶飯給婆婆和幫她按摩，婆婆曾著她毋須一日來2次醫院，但姐姐表示「喺屋企都冇嘢做㗎啦，不如過嚟陪吓你好過啦」，令事主深受感動，
「我都覺得幾感人，我見到佢兩個相處，幫佢摙骨按摩，的確又真係幾真心。我睇姐姐每一次過嚟，佢哋嘅笑容都覺得佢哋好真，我又真係未見過咁好感情嘅僱主同埋姐姐。其實佢根本可以唔使一日嚟2次，呢啲咪就係好姐姐同懶姐姐分別囉。」
網民分享外傭窩心故事
有網民看到帖文後大呼窩心，指香港還有很多有愛心的外傭，亦有網民分享自己的經歷，包括父親離世後，關係親如朋友的外傭不禁痛哭；亦有在職單親港媽獲外傭全力照顧3名子女，讓她可以專心工作。
」，
App內睇文同睇片可隨時捕捉U Fun彩蛋，
換領現金券及禮品！
↓【書展2024】勁送200張電子門票！↓
↓立即登記！攞免費門票↓
↓【限時搶⚡】味道研究所拿坡里薄餅味Shake Shake粉🍕↓
↓ 想幾時食到薄餅味，拎起一Shake，即時食到！↓
