TVB劇集《反黑英雄》昨晚（27日）播到第四集，表面是黑幫、實質是警方臥底的「阿賢」張振朗，偶遇偷金魚的學生妹陳樂怡（曾文心飾），決定伸出援手。入行三年的曾文心在劇中慘被毒打，爆喊超可憐，十分搶鏡。現實中她曾在中央戲劇學院進修，來頭不小。
現年27歲的的曾文心透過第31期藝員訓練班入行，曾參與演出作品有《新聞女王》、《羅密歐與祝英台》、《飛常日誌》等。她曾在《你好，我的大夫》飾演何廣沛難產死的母親，今次在《反黑》扮中學生，反差甚大。曾文心曾於中央戲劇學院進修，更曾在北京國家大劇院演出過，回港後亦多次演出舞台劇，演出經驗豐富。她說：「今次（《反黑英雄》）係我入行以嚟最多戲份嘅角色，覺得好激動、好感恩，好多謝公司同佳導畀呢個機會我。」
劇中，曾文心有個吸毒阿媽顏仟汶，在學校又被同學欺凌毒打，身世可憐。尤其她被同是新演員的李海銅和張天妮捉入殘廁虐打的場口，有齊掌摑、扯頭髮、叉頸及推倒地上，畫面震撼。她透露為求拍出好的效果，主動要求「真打」：「因為我哋幾個都比較新，唔係好識就住鏡頭打，而我哋都Friend，我就話不如真打。」她自爆因自己遴迍撞瘀了下巴和膝頭：「因為嗰場有好多跌低嘅戲，我跌到膝頭哥好多瘀傷，仲將個下巴撼到地下，搞到有個位腫到好似一粒鵪鶉蛋咁大。返到屋企之後，媽媽睇到啲傷痕好心痛，我知佢係想喊，但係佢冇喊，仲幫我捽藥油。」
至於飾演壞學生的李海銅樣子甜美，是第32期藝員訓練班的學生，因仙氣滿滿獲封為班花，早前在《逆天奇案2》飾演「隔籬茶餐廳太子女」成功彈出，雖然劇中只有數秒鏡頭及零對白，但她單憑靚樣已「秒殺」一眾網友，亦有網友大讚她有明星相，直指她與「00年代清純女神」李思欣撞樣。
圖片來源：大會提供、受訪者提供
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
