無綫不少藝人除了基本私家車牌，自己揸車返工較方便之外，亦有不少藝人，都考埋的士車牌搵食幫補計。方紹聰（奶仔）考車牌似乎是個人興趣，在香港基本16種車牌，他就足足有其中9款。近日，他公開透露成功考到公共巴士牌照。
在無綫藝人中，《愛回家之開心速遞》內飾演「書蟲」的林浩文、邵卓堯和女藝人彭翔翎有的士牌照，方便他們除了演藝工作以外，揸的士搵食幫補生計。但都不及方紹聰誇張，擁有多款汽車車牌。
方紹聰在Facebook內公布，第3次考公共巴士棍波車牌，終於成功合格。考到這個車牌並不用容，他寫道，「由上年12月開始學車，經歷半年時間，中間有諗過自己能力有限，想過放棄考棍波，退而求其次，轉考自動波，但連續兩次都有其他問題(自動波巴士壞車、考期被預約），令我未能轉考自動波旅遊巴。」
一波三折下終於合格，而且考試的時候太緊張，笑言自己心跳有190下的方紹聰，興奮宣布，「我而家擁有的車牌有：1,2,3,4,5,6,9,10,22。各位幕後精英，如果有角色要揸旅遊巴、小巴，記住揾我啊。」而且他還期待自己將來會飾演揸巴士壞人角色，更歡迎有人若見到他可以稱呼他：「巴士佬。」
陸上威武之餘，方紹聰其實都精於水上，他本身有快快艇，而且早前更參加賽艇，今年3月的時候，他就去到馬來西亞參加亞洲賽事。首次去比賽，經過4日訓練，參加了6場賽事，雖然成績並非理想，10人比賽他是第9名，但他自豪地介紹自己是賽艇手。
網民都大讚方紹聰好勁，有毅力考咁多車牌，「奶仔，你好好學，又船牌又巴士牌，勁」、「下次挑戰重型，定掛接」、「18同拖頭未考喎 繼續努力」、「巴士牌都考埋 邊夠你玩」、「期待你可以演揸巴士既變態佬」、「我考咗兩次自動波貨 van都肥咗，唔知點算」、「
香港車輛類別代號：
1.私家車
2.輕型貨車
3.電單車
4.私家小巴
5.公共小巴
6.的士
9.私家巴士
10.公共巴士
15.傷殘者車輛
16.政府車輛
17.專利公共巴士
18.中型貨車
19.重型貨車
20.掛接式車輛
21.特別用途車輛
22.機動三輪車
」，
App內睇文同睇片可隨時捕捉U Fun彩蛋，
換領現金券及禮品！
↓【書展2024】勁送200張電子門票！↓
↓立即登記！攞免費門票↓
↓【限時搶⚡】味道研究所拿坡里薄餅味Shake Shake粉🍕↓
↓ 想幾時食到薄餅味，拎起一Shake，即時食到！↓
