新人樂隊男團ROVER回憶殺送別九展 現場400名樂迷見證場面感人

文: 羅志宏
2024.06.30

九龍灣國際展貿中心(九展)將於6月30日下午五時正式結束營,昔日曾舉辦過多個本地、國際歌手演唱會,更是孕育VIU選秀節目《全民造星》(簡稱《造星》)的發源地。日前(27日)作為最後一批《造星》素人由九展走進樂壇的樂隊ROVER,在九展中庭舉辦免費一小時《ROVER九展Curtain Call》音樂會,與現場400位樂迷送別九展。

由九展VIU的廠房為《造星V》排練、演出,到走上Star Hall舞台參與總決賽,大半年間令ROVER的卓金樂(Kim)、雷濠權(Jason Loi)、陳鎮亨(亨仔)與王希晉(希晉)由素人走到幕前,更組成了樂隊ROVER今年初正式出道。面對九展要拆,眾人非常不捨,Kim說:「九展呢個地方帶畀我哋好多唔同回憶,有九展先有我。」

亨仔說:「仲記得舊年喺九展interview,好緊張,眾星雲集,係一生人嘅回憶,好高興我哋可以用一個表演送別九展。」Jason則道:「我嚟過好多次music zone,雖然佢唔係一個非常之大嘅場地,但佢容納到好多主流同非主流音樂,本地樂隊或外地音樂人,好開心係九展最後,可以有一場屬於ROVER嘅表演。」

隨即ROVER唱出了在STAR HALL第一位舉行演唱會的歌手林憶蓮的《再不在乎》及《沒有你還是愛你》外,再唱出了王菀之《我真的受傷了》、Blackstreet Boys《 I Want It That Way》、Rubble Band《發現號》等,這些都是先後在九展舉行過演唱會的歌手及樂隊歌曲。而去到音樂會尾聲,重頭《全民造星》環節,由主題曲《前傳》到出道作《秒速8公里》,希晉分享說:「 緊握住音樂不死嘅精神,繼續做好我哋嘅音樂,最後多謝九展,今晚最後一首歌,送畀大家、送畀九展,我哋嘅新歌《回魂術》。」

在完騷前,四子來到台中回望中庭上的大銀幕:「感謝曾經到訪的你們,保重,再見。」然後四人眼濕濕緊緊擁實彼此,回想在九展過去點滴更忍不住哭,落台時九展全場燈暗場面感人!

同場加映:【著數慳家王】最新影片

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【全城招募120隻毛孩】試用腳掌潔護SPA泡泡!↓

↓登記攞禮物番屋企↓

↓登記攞禮物番屋企↓

↓【夏日送禮】送麒麟一番搾啤酒及夏日和風禮品套裝!↓

↓登記即有機會攞禮物番屋企↓

↓登記即有機會攞禮物番屋企↓