《聲夢傳奇2》亞軍黃洛妍（Janees）日前27歲生日，與100位「妍究生（Janees粉絲）」舉行生日派對慶祝。最難得的是黃洛妍胞妹黃千如（Jasmine）亦罕有現身，兩姊妹樣貌猶如餅印，就算失散都一定認得！
剛拍完電視劇《麻雀樂團》的黃洛妍，當日以孖辮造型出席生日會，另外冼靖峰（Archie）、趙小婷（Pamela）、以及一起拍攝《麻雀樂團》的梁荺苓（Winter）、郭子健（Samuel）及陳皓雲（Howard）都現身賀壽星女！黃洛妍除了表演最擅長的小提琴外，又花2星期苦練鋼琴自彈自唱；她與妹妹千如合唱《Beauty and the Beast》 等歌曲，兩姊妹一樣咁靚聲。
黃洛妍特別拉埋妹妹千如，一起接受TVB娛樂新聞台訪問，黃洛妍全程蹺實妹妹，而千如亦特別染家姐的招牌黃色highlight，兩姊妹齊齊孖辮上陣，似到孖女一樣。原來她們曾經因為太似樣而引來笑話，黃洛妍搞笑說：「我諗我唔使多介紹，睇下我哋個樣都知佢（千如）係我個妹，唔係我個女！（曾經被認錯？）係呀！我十幾歲嘅時候帶佢出街，啲人以為係我個女！佢喺度盪鞦韆，有人話『你個女好可愛呀』，我都費事解釋，淨係講多謝多謝。」
提到她們連髮型都一樣，千如說：「今日係特登嘅！」黃洛妍解釋：「因為佢想同我扮twin，因為我平時唔肯同佢twin，雖然今日係我生日，但妹妹開心好緊要㗎嘛！」她透露妹妹由細到大都喜歡唱歌，有傳TVB會舉辦《聲夢3》，會否叫妹妹參加？她笑說：「冇所謂，睇佢想。」千如則說：「我都唔知呀，我冇諗過，可能啦，maybe！」
圖片來源：大會提供、網上截圖、資料圖片
」，
App內睇文同睇片可隨時捕捉U Fun彩蛋，
換領現金券及禮品！
↓【書展2024】勁送200張電子門票！↓
↓立即登記！攞免費門票↓
↓【限時搶⚡】味道研究所拿坡里薄餅味Shake Shake粉🍕↓
↓ 想幾時食到薄餅味，拎起一Shake，即時食到！↓
