由前港台DJ曾志豪、王耀祖及貴花田組成的「田豪祖3寶」YouTube Channel營運至今已經有3年時間，幾位主持早前剛剛慶祝完三周年紀念，跟大批「寶粉」（田豪祖3寶粉絲暱稱）聚會之餘，亦有推出自家產品供寶粉認購。YouTube Channel逢星期一至五中午12點都會直播，逢星期二就有「HardSell Tuesday」環節，為寶粉帶來購物優惠，沒想到三位因為心想跟小店互相幫忙，卻被拖欠六位數字佣金！
「田豪祖3寶」YouTube Channel昨日以「首次公開，3年來，我們第一次被騙了……」為題開直播，有別於以往輕鬆笑談時事及娛樂新聞，今次三人只能苦笑交代被騙的事。貴花田坦言一向抱互相幫忙的心態合作，「我個心好澀，佢哋賣溫情，點知仲要被人呃，呃我哋善心。」
事緣由香港兩母女經營的「閨‧X湯包」先後跟「田豪祖3寶」三度合作，以優惠價團購的方式，向寶粉速銷，去年兩母女更粉墨登場在直播中亮相，親自介紹自己的產品。貴花田指由於知道「閨‧X湯包」被阿布泰拖數，所以出於同情心希望盡快幫忙合作，加上三位主持試飲，認為品質不錯，所以落力為他們宣傳，希望能盡快讓店主有現金周轉。由於反應熱烈，「田豪祖3寶」跟該公司再次合作，但收到不同外界的訊息指「閨‧X湯包」拖欠物流司機薪金及欠租等，對方仍然繼續以謊言掩蓋。最終，第二、第三次合作都收不到相應的佣金之餘，對方刻意「潛水」不作任何回覆。「田豪祖3寶」得悉兩母女欠下周身債，然後移居台灣，無奈之下，只能夠搵律師向她們發出律師信，明白未必可以追討欠款，但絕對要公開事件，希望兩母女不能夠在台灣繼續呃人，繼續利用「香港人」的光環去營業。
「田豪祖3寶」在節目中，整合了「閨.Ｘ」14宗「罪」：
1) 爭十幾個員工人工,所有欠薪僱員已循法律及政府或有關部門正在追討應得的薪金,但仍未有消息。
2) 除了欠薪外,從2022年尾開始亦沒有為所有同事供強積金,但每月都有扣員工 部份的強積金供款，然而僱員及僱主部份全都沒有供款。
3) 2022年4月至10月拖欠屯門餐廳7 個月租金,最終結業收場,業主走上法律途徑(土地審裁處)亦沒有辦法追回所欠租金。
4) 幫「田豪祖」做特價優惠套裝所用的物流公司，沒獲找數，所以司機冇糧出，要搵「田豪祖」投訴。
5) 葵涌工場欠租起碼半年，最後也結業收場，業主走上法律途徑（土地審裁處）亦沒有辦法追回所欠租金。
6）Promoter agent公司款項超過120萬，追款多時亦無消息。
7) 拖欠數間豬肉及菜檔供應商數---款項接近80萬，供應商上到工場追討，他們只識推員工出來，自己迴避責任。
8) 拖欠田豪祖3寶channel分成。
9) 之前氹人投資自動販賣機及投資海外生意，收了50萬後突然失踪，最終要報《東張西望》，才肯分期還給事主。
10) 2022年9月搵工廠做月餅加工，至今欠尾數40萬未找。
11) 話分5%股份畀同事,而同事一毫子都冇收過,但就幫「閨.Ｘ」頂好多欠債公司追數,亦有債主查冊查到該名員工地址,騷擾其家人,令佢出現情緒病。
12) 2023年11月尾通知員工會於12月15日出糧,但到12月15日就失蹤,據聞已到了台灣。
13) 之前深水埗餐廳結業(2023年年頭)，同事至今仍在欠薪中。
14) 2022年有同事工傷，但應有的薪金（4/5）沒出畀同事，勞工處亦得知此事。
曾志豪認為：「話分5%股份畀同事，呢點顯出人格特別衰，呢樣係處心積蓄，搵人做替死鬼。佢哋錢又呃，糧唔畀，感情又呃你，利用別人嘅善良。無賴到底，諗番佢哋母女檔上嚟節目好溫情咁，真係好嘔心。」王耀祖接受本網電話訪問，提到今次損失的數字，他表示：「我哋ok, 唔駛擔心，收唔到數啫，其實嗰2次合作，幫佢哋做咗過百萬生意，我哋收唔到嘅數都有六位數字吖！好彩嘅係，我哋係收唔到數，而唔係要自己喺個袋度攞出嚟，不過真係被佢利用咗我哋嘅善良同埋好心。（公開事件）最緊要唔好俾機會佢，去到台灣呃人！」
」，
App內睇文同睇片可隨時捕捉U Fun彩蛋，
換領現金券及禮品！
↓【書展2024】勁送200張電子門票！↓
↓立即登記！攞免費門票↓
↓【夏日密密賞☀️】體驗最「Cheeful」夏日😍↓
↓免費換領卡樂B Cheeful® 芝士味粟米條🧀！↓
