福祿壽訓練學院丨關嘉敏神還原譚輝智跳《屈到病》 似過親兄妹 本尊六個字搞笑回應
《福祿壽訓練學院終極對決》昨晚（30 日）假電視城隆重舉行，經過一輪緊張對決，有「翻版鄭中基」之稱的陶大衛以「一人福祿壽」的精彩演出成為大贏家，分別與演出「穿 Heels 的男人」的吳兆麟齊齊奪得「專業評審大獎」，還同時獲得全晚最高分贏得「終極扮嘢王」殊榮。
雖然扮演「痰輝智」演出「屈到輝智病了」的關嘉敏最終未有獲得任何獎項肯定，但在網上引爆旋風式點讚，相關表演消息在TVB官方社交網刊出後，短短兩小時已吸獲逾3,000 Likes及超過300個一面倒正評，更有網民直指關嘉敏是「心目中的冠軍」！網民留言：「嗰種反差好正」 、「似到呢！我初頭以為是表演嘉賓，再望點解好似高咗先知真係其他人扮」、「我第一眼以為真係譚輝智」、「個表情真係好似，好好笑」、「近鏡睇啲鬚都畫得好似」、「唔講真係以為係佢」、「要讚埋化妝師」、「神級似，嚇一跳」、「幾可亂真」、「繼王菲後又一勁似」、「關嘉敏唱到屈字好似吐痰咁先正，超出位，好好笑」、 「孖生兄弟咁」、「佢都好扮得吓」、 「關嘉敏捉到輝智神韻、舞姿同埋表情，真係好精彩」 、「以扮人角度，全晚係佢最似，正！」、「Carman的努力有目共睹」、 「似到飛起呀」 、「真心覺得關嘉敏愈做愈好」、「估唔到女扮男可以咁似」等等！
其實翻看輝智家人的照片，關嘉敏扮演的輝智，相似度比輝智跟哥哥同妹妹更似，相當厲害！連輝智都有在IG轉發相關片段，並留言說：「使唔使似到咁LOL！」而顏米羔和劉威煌昨晚在「輕鬆啲」Channel開直播時都有提到，他們自爆笑到「噴飯」，幾乎啃親，威煌指相當佩服關嘉敏，難以想像竟然是女生去扮輝智，神緒同小動作特別細膩像真，而米羔說：「佢係咪打跛咗半邊身，如果唔係扮唔到輝智，個神緒好似跛半邊身咁，佢而家醫番好，想做都做唔番。係高咗，冇辦法，真係真心似，我話你知，連當事人望到都嘩一聲。」
頭戴假髮的關嘉敏（Carman），特別穿上輝智演唱會同款的服裝，表情「乸晒口面」兼扁晒嘴、並以機械式僵硬舞步落力模仿輝智神情及舞姿跳唱其參賽《中年好聲音 2》時的經典洗腦歌《屈到病》。除了女扮男裝 100% 神還原譚輝智、似到難以置信，Carman 表演時還額外釋出了一份喜感，就是分別安排了「道具 BB」及「面具拉姑」出場、以加強喜劇效果。Carman 的表演獲得三位專業評審一致好評，錢嘉樂笑言除了高度，所有地方都與譚輝智似到十足，志偉更忍不住好奇問：「係邊個嘅智慧叫你扮譚輝智架？」、「你幾時開始覺得自己似譚輝智？」嚇到 Carmen 一度不懂反應，笑言是思捷的主意之餘，並謂今次是刻意想跳出型格框框、走詼諧路線。說到此處，向來感性的祥仔指要給予無綫梳化部同事掌聲，場面感人。
江美儀則搞笑指為了配合關嘉敏扮譚輝智，她特意向化妝間同事借了「拉姑頭箍」於相關表演環節戴上，相當有心。最終 Carman 從專業評審手上獲得 7 個 10 分，其中相似度一欄，三位專業評審都給出了 10 分滿分，證明是名副其實的神還原。Carman 表演完畢後坦言作為一個跳唱歌手，要扮初學者跳舞舞姿是整件事難度最高的地方，她說：「我揣摩咗好耐，我（綵排時）聽到最多評語，就係話我跳得太好，Carman你減番少少啦。」
Carmen隨後在IG分享：「福祿壽訓練學院比賽終於圓滿結束。
多謝大家幫襯！你哋嘅留言同埋message我睇到，好開心帶到歡樂俾你哋同鍾意呢個偽譚輝智。我琴晚好enjoy個舞台，希望你哋都係！四個月前嘅心態都仲諗住係玩吓，都冇諗過入到十強，多謝老師李思捷，佢真係好XYZ 勁 ！！！一日為師 終身為師！
仲有王祖藍和阮兆祥，超級無私咁教我哋所有學員嘅嘢！仲有所有台前幕後工作人員監製導演等等等等，冇諗過自己可以有第二名，仲只係爭3分，我已經覺得贏咗！希望大家可以陪住我更多成就解鎖！哈哈哈哈！」
港生活人氣本地熱話
↓【限時搶⚡】factiv CAT1 離子保濕潔膚乳↓
↓潔面、保濕、修復三效合一｜持續保濕洗面後不繃緊↓
【旅途無蝨】請您用AQUA PRO+TECH「驅蚊大師」滅菌驅蚊液 ！
