飛機餐好食與否，不時成為乘客選擇航空公司的考慮點之一。最近有市民乘搭國泰航空，由新加坡飛往香港的航班，驚喜大讚飛機餐是茄汁焗豬扒飯，更以大家樂焗豬扒飯作標準100分，激讚飛機餐焗豬達95分，令不少網民好奇，亦有人直言羨慕指「坐咗好多次都無遇過」、「好想試吓」。
國泰飛機餐｜焗豬扒飯獲讚好味道 經濟艙有驚喜乘客：可遇不可求
不少人乘搭飛機，都非常關注飛機餐的品質。日前（1日）有市民透過Facebook群組「航空膳食藝術坊 Art Home of Aviation Catering」分享，乘搭CX734航班由新加坡飛往香港時，發現飛機餐竟然提供茄汁焗豬扒飯，更強調「係一個好好食嘅焗豬扒飯」！
樓主上載一張相片，顯示該飛機餐提供一大盒焗豬扒飯，上面鋪茄汁之餘，飯底似是蛋炒飯，樓主表示：「賣相冇分，味道，如果新鮮熱辣大家樂焗豬扒飯做標準為100分的話，呢個我比95分」。他又指，「搭飛機主要食嘢都係消磨時間好難要求啲嘢有君悅、半島中菜廳入邊食的質素」，認為今次的焗豬扒飯實在有驚喜。
▼大家樂一哥焗豬扒▼
帖文吸引大批網民留言讚好，並獲不少人認同。有網民表示「堅好食，我每星期都搭CX734，唔知係咪呢班機先有焗豬」；有網民就表示去年6月時曾乘搭CX2635航空，由香港飛往新加坡「經濟艙都係食焗豬，真係好食」、「經濟艙有焗豬扒飯已經贏了90%」。
另外，有網民指，「CX就算經濟位餐飲也不錯，早幾個月搭香港往新加坡，下午機食過半肥瘦叉燒飯，正！期待下次有機會試呢個焗豬扒飯」、「最近搭咗幾次CX，膳食的確好咗好多」；至於未食到的網民就直呼羨慕，「坐咗好多次都無遇過焗豬」，坦言好想試。
▼網民留言▼
資料及圖片來源：Facebook@航空膳食藝術坊 Art Home of Aviation Catering、國泰航空公司
」，
App內睇文同睇片可隨時捕捉U Fun彩蛋，
換領現金券及禮品！
↓【社群送禮🎁】大派亞洲旅遊數據卡350張！第2擊！↓
↓4日無限數據！12 個地區適用！↓
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
