戲院腦朋友椅套被盜？迪士尼《玩轉腦朋友2》上周舉行部分優先場，吸引大批粉絲購票進場，而部分戲院就更加盡花心思，影廳內每個座位都加設不同角色的腦朋友椅套，佈置相當可愛，然而就影迷「手多多」，接連2名腦朋友椅套包括阿燥及阿樂遭帶離場，官方發文要求歸還。
《玩轉腦朋友2》戲院椅套接連被偷走 網民怒斥貪心
《玩轉腦朋友2》將於7月11日正式上映，優先場則於上周起舉行，不少粉絲第一時間湧至戲院觀賞，除了可以獲贈精美海報、紀念品等，全線英皇戲院更將影廳內全部座位套上「腦朋友」椅套，讓觀眾可以隨時打卡！
點擊圖片放大
不過，日前（1日）英皇戲院透過社交平台發「尋人啟事」，指發現時代廣場英皇戲院一位「腦友」阿燥失蹤，「焦慮嘅小編阿焦已經睇緊CCTV，所以請喺我變身做阿燥之前，將椅套歸還啦」，否則「下次就爭取唔到咁靚嘅打卡位比大家影相㗎啦」。
點擊圖片放大
至昨日（2日）晚上時間，院方再跟進最新情況，指「喺大家嘅熱心呼籲下，噚晚神秘人已經將阿燥帶返戲院啦」。雖然阿燥成功回歸，但仍然不少人對「腦朋友」虎視眈眈，院方指再發現將軍澳康城英皇戲院另一名「腦友」被帶走，今次失蹤主角為阿樂，「再次提醒大家好好愛護展品，其實每間影院都有閉路電視㗎」，呼籲勿再手多多。
點擊圖片放大
帖文引來大批網民討論，並留言批評有關行為，「真係好過份」、「好心唔好咁貪心啦」、「成個電影業俾佢攪彎晒」；不過都有網民認為可能是擺烏龍，「可能以為係戲飛送，因為真係似係每位一件，NBA咁」。
▼網民留言▼
資料及圖片來源：Facebook@Emperor Cinemas 英皇戲院
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】請您食卡樂B Potaland® 酸忌廉洋蔥味薯片！↓
↓ 濃郁開胃的酸忌廉味 + 香氣四溢的洋蔥味！↓
↓【社群送禮】ON: THE BODY 植物萃取潔膚露↓
↓維持水油平衡／雙重呵護肌膚！↓
