肥媽孫仔外國讀書被質疑愛國心 激動引錯例反駁:毛澤東都放洋

文: 余美鳳
2024.07.08

肥媽(Maria Cordero)現時已經70歲,兒孫滿堂,早幾年更升級做曾祖母,但不言休,繼續工作,經常周圍登台搵真銀。早前,就百忙中抽空去英國出席孫仔的畢業典禮。不過就有網民質疑,口口聲聲愛國的她,似乎「口裡說不,身體卻很誠實」,兒孫們都在外國讀書生活。

肥媽好生養,家族很大,育有6子女,而且更有19個孫。兒女和孫仔女都分散各地生活,近日她飛往英國,穿上旗袍出席孫仔的畢業禮。對於被質疑只是「口裡愛國」,她回港後立即開直播,除了講化妝心得之外,就用力解釋為何會飛去外國,兼且解釋為何不讓孫仔女在內地升學的理由,似乎十分在意別人誤會。

一邊化妝一邊開直播的肥媽,就解釋道:「佢喺英國畢業,唔通唔去咩。好坦白講,我哋國內好多人喺外國讀書,學者(學)無涯,學人啲嘢返嚟做好嘢,你估我唔想佢入清華(清華大學),入唔到之嘛,你估我唔想佢入北大(北京大學)咩,講真入唔到呀!」

為了表達忠誠,肥媽就自爆為了孫仔女的將來,曾跟家人研究過,會否去到內地讀書發展,她說:「我啲孫已經同我講,佢哋返嚟去北京定係上海好呢?或者喺廣東好?我就話要睇佢哋讀乜嘢,如果讀航天科,而家我哋香港好多學校已經同上面有接軌,畀後生上去學,其實越早上去越好。Sean(肥媽兒子)本來想搬番嚟,佢話廣州有幾間國際學校,係同英國同一個課程,佢喺英國讀,直情想搬返嚟廣州。我問佢點解要去讀(航天科目),佢話而家全世界最犀利嘅航天科技唔喺中國咩,我仲要畀人窒呀!」她今次回來,她要為孫仔女打探,何時去內地升學較好。

然後肥媽還回應網問另一個話題,指她的子孫在外國讀書,就覺得她對國家不敬。肥媽就更激動,引用中國以往不少政治人物也曾在外國求學,但就冇熟讀歷史:「你都黐線,我哋國家就係因為去外國讀書,鄧小平、周恩來、毛澤東,邊個唔係喺外國讀書架?學人啲嘢返嚟自己好丫嘛,人哋外國啲人夠嚟學我哋咯。」根據資料,三位政治人物中,只有鄧小平和周恩來曾經在法國勤儉修學,毛澤東則從未出國,而且有不少後人研究,為何年輕時的他沒有去外地升學原因。

 

 

肥媽最後還解釋道,怕被質疑,再解釋不讓仔女去一些「友好國家」升學,她並提到:「啲仔女一早出世,我哋幾廿年前,邊鬼個知好唔好,學術界冇話好唔好,總之你學人啲好嘢啦。點知佢哋咁衰啫,我哋而家去讀書唔係交友。」

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【全城招募120隻毛孩】試用腳掌潔護SPA泡泡!↓

↓登記攞禮物番屋企↓

↓登記攞禮物番屋企↓