Cheronna@Super Girls愛鼠兩日內先後離世 臨終前向狗狗交低身後事超有靈性

文: 余美鳳
2024.07.06

吳嘉禧(Cheronna)一向都好有愛心,對貓貓狗狗都好有愛,就連唔係好多人接受到嘅鼠鼠都係佢嘅寵物!不過日前鼠鼠喺年紀太大之下相繼離世,傷心嘅Cheronna都有出Post悼念。

Cheronna養嘅花枝鼠壽命不長,一般只有2至3年,而鼠鼠喺Cheronna悉心照顧下,日前以3歲高壽完成生命旅程,Cheronna留言:「香香,多謝你係我生命入面成為一隻好獨特嘅老鼠。你好聰明、靚女、可愛,仲有令人羨慕嘅體脂低,食極唔肥。每日見住你多咗老人斑,眼睛周圍好易有眼水,但係仍然好好胃口,會心諗你哋2個會唔會可以奇蹟地去到3歲?今朝都仲活潑要食嘢,晏晝你就唔再郁了。多謝你香香,願你這一生都過得開心,我哋會再遇見,你去繼續體驗生命啦! 」

而Cheronna另一隻鼠鼠「加加」都喺兩日後過身:「自從香香走後,呢2日我每分每刻都好擔心加加都會隨時走。終於今日下午,加加表現俾我知佢要走了,想把握時間同我相處。我分享加加臨走好amazing嘅時刻,我想俾大家知加加係一個生命鬥士。」

Cheronna指加加原來一早已有病,而佢臨走前更加好有靈性,同一般家寵一樣:「加加今年年頭發現有乳腺瘤,做咗個小手術成功切走,最令佢痛苦嘅係之後10日,因為要佢傷口埋得好。佢要著一件背心仔,佢就屈唔到身,攪唔到個傷口。嗰10日我都定時定候餵食藥同洗傷口,經過嗰次,加加性格由成日好驚青變到好嗲,好似同我多咗connection。而今日係加加走前,佢真係用盡力氣去同我道別,再同陪伴佢嘅人類朋友們逐一道別,佢係真係行過去每個人嘅身,再將頭仔靠近我哋嘅臉,然後最amazing嘅係,佢走去同柯南(Cheronna狗狗)道別,好似交帶說話俾柯南,柯南錫咗加加幾啖,好似接收到訊息咁。然後就係充滿愛同溫暖嘅手心離開,去揾香香了。」

點擊放大圖片:

 



Cheronna post出大量兩鼠生前相片,多謝佢哋為佢帶來歡樂時光:「香香、加加,多謝你哋喺我生命出現,令我知道原來老鼠係咁聰明、搞笑同有性。呢2年半睇住你哋由BB到老死,陪住你哋今生嘅生命體驗,係我嘅榮幸!你哋真係好好感情,好到我都感受到要仙遊一定要一齊,希望我哋再相遇嘅時候,你哋2個都係一齊去迎接我呀。」

圖片來源:Instagram

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【全城招募120隻毛孩】試用腳掌潔護SPA泡泡!↓

↓登記攞禮物番屋企↓

↓登記攞禮物番屋企↓

↓【夏日送禮】送麒麟一番搾啤酒及夏日和風禮品套裝!↓

↓登記即有機會攞禮物番屋企↓

↓登記即有機會攞禮物番屋企↓