Anson Lo生日與2000名神徒慶祝 被家書感動落淚:成件事好有愛

文: 余美鳳
2024.07.07

盧瀚霆7月7日正日生日,一眾神徒為他炮製連串驚喜,首先連續3年全港市民免費乘搭天星小輪,尖沙咀碼頭亦變成教主碼頭,多個大型廣告供神徒打卡!到中午12時,盧瀚霆現身尖沙咀麗晶酒店出席歌迷會生日派對,一連兩場逾二千神徒慶祝,Anson Lo入場時全場尖叫,他逐一向Fans答謝:「我覺得今日唔似Fans聚會,因為要步入會場搞到好似婚禮。」

期間他與神徒玩遊戲,被問及如何「稱呼」另一半時,台下神徒大叫「BB豬」,寵粉的Anson即席向神徒示愛:「BB豬!」。來自世界各地神徒拍片向教主賀壽,而Anson Lo父母及家姐亦親手寫「家書」,當家姐提及兒時往事時,搞到教主「眼濕濕」:「點解我咁感動,因為成件事好有愛,因為家姐係一個內斂嘅人,佢好少咁講呢啲事,我睇完諗翻起以前細個嘅時候,同佢打打鬧鬧嘅回憶,我記得家姐細個好怕鬼,要捉埋我去壯膽。早排同家人食飯都交代健康,家姐佢喊咗成晚但又唔知可以做咩,真係好錫我。」

 

Anson Lo不忘向神徒表達心底話,多謝大家嘅支持:「因為我全靠你地嘅支持,先捱到今日!即使出面好多人誤解我,你地嘅留言成為我嘅鼓勵。」他即場與神徒全場大合唱《不可愛教主》,而見到生日蛋糕有「My Life」造型翅膀,他表現非常興奮,笑言想帶回家中。

生日會尾聲時,Anson Lo逐一向神徒派「手幅」,歌迷近距離向偶像送上生日祝福。活動完結後Anson Lo接受訪問,他表示見到家人真情流露好感動,覺得佢地好大勇氣寫呢封家書:「知道佢地每日都好擔心我、Care我,所以好感動。今年生日願望係想神徒同家人都身體健康,因為大個咗知道健康嘅重要。今晚會同家人過一齊砌蛋糕。即將由2字轉3字,覺得唔會太大分別,隨時間過去會成熟啲,神徒都話冇咗以前嘅嘻嘻哈哈,可能係人大咗會沉穩咗、成熟咗。」

晚上無人機匯演準時8:30開始,歷時長達12分鐘。警方指最佳觀賞區域約有2千5百人次,當匯演開始時神徒非常興奮,不時「嘩嘩聲」、及唱生日歌助慶。無人機匯演砌出Anson Lo剪映、盧瀚霆字樣、蛋糕及Anson Lo寫的神徒公仔等等,神徒接受訪問時表示由傍晚5時許開始霸位,感謝歌迷會籌備是次活動,表示為偶像另類慶祝生日感興奮。

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【全城招募120隻毛孩】試用腳掌潔護SPA泡泡!↓

↓登記攞禮物番屋企↓

↓登記攞禮物番屋企↓

↓【夏日送禮】送麒麟一番搾啤酒及夏日和風禮品套裝!↓

↓登記即有機會攞禮物番屋企↓

↓登記即有機會攞禮物番屋企↓