《2024香港小姐競選》完成兩輪面試後，大會正式選出25名參賽佳麗，開放網上投票，讓觀眾投票自己心目中支持的人，決定最終入圍決賽的名單。昨晚特備節目《2024 香港小姐競選 誰是入圍者》播出25位佳麗的自我介紹及簡單受訪的影片，片中將她們分成6組，分別是「海外佳麗組」、「年輕/成熟組」、「翻版撞樣組」、「專業人士組」、「才藝 技能組」及「選美經驗組」。
25位佳麗都有獨立接受訪問，分享一下自己的簡單個人資料、參選原因、才藝和興趣等，其中最有趣的18歲的陳紫佟（Jessie），她是第二名年紀最輕的初選入圍佳麗，剛考完DSE的她透露媽媽亦曾參選港姐，是次參 選，更帶點為媽媽圓夢的意思，相當有意義，Jessie 說：「我媽咪都參加過香港小姐，仲入圍15強，但因為佢（嗰時）要去留學冇參加到決賽，今次（我）參加香港小姐係想填補番佢呢個遺憾。」唔知眼利的觀眾單憑Jessie的外表五官，可唔可以搵得番邊位前港姐佳麗係佢媽咪呢？
影片中所見，不少參賽者都強調自己是土生土長香港人，的確有部分佳麗如陳甜甜、吳芷靖、黃詩莹、林瀾、馬嘉聰及程姜月等的廣東話都帶有強調口音，但她們都表示會努力學好廣東話，幾位當中，以陳甜甜最為嚴重，基本上她所講的廣東話，如果沒有配上字幕，根本聽不明她講啲咩。「大雞好，我係陳田田，田美個田，更年廿五衰，泥根朵香港理工大學，我賴自河北...」網友都忍不住紛紛在影片留言說：「靚係幾靚，又有星味，可惜廣東話太差，不過都欣賞佢堅持講返廣東話唔講國語，而且有跟老師學廣東話，夠誠意。」、「講乜春又無字幕！返鄉下啦！」、「真係要學好講廣東話先再嚟參選啦」、「Sorry, 佢講乜東東話，聽唔懂」等等。連傳媒人張寶華都轉發說：「我對乜乜小姐冇興趣。朋友send畀我，睇完到（倒）抽一口涼氣；正如朋友話齋唔係口音嘅問題，係你對香港了解幾多，可以叫自己做香港小姐？參加嘅人唔尷尬，電視台又唔尷尬，但我哋睇就好尷尬！」
至於25條影片全部放在TVB官方YouTube頻道，截至今日（7月8日）早上10點為止，暫時最高點擊的排名三甲分別是鄭芷瑤（Yoyo）、倪樂琳（Ellyn）及李曼思（Adria），其中鄭芷瑤和倪樂琳的點擊短短一日就高達8000多，認真厲害，拋離不少其他佳麗。
」，
App內睇文同睇片可隨時捕捉U Fun彩蛋，
換領現金券及禮品！
↓【U Jetso】召集運動愛好者！↓
↓ 一齊參與呢個運動主題盛會！↓
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
