有「牛雜妹」之稱的演員李亦喬（Monnie）去年7月去馬爾代夫旅行期間，接受男友的求婚，隨後兩人積極籌備婚禮，更在她的「娘家」牛雜店取景拍攝特色的婚紗相，相當有意思。Monnie近日完成「過大禮」傳統儀式，由未婚夫率領兄弟團好友幫忙，將一堆一堆賀禮送到女家，意外將Monnie的豪宅曝光。
婚禮顧問公司代Monnie發布她「過大禮」儀式的照片，見到Monnie的未婚夫招仔率領一班兄弟團，到Monnie家樓下合照留念，見到Monnie的大廈屋苑似是新派的靚靚低密度豪宅，他們一家人在大廳跟賀禮合照時，見到大廳都相當闊落。未婚夫出身都好大方，除了鮑參翅肚、八大禮籃、花膠扒、禮餅外，Monnie的龍鳳鈪有拳頭咁大，更準備一大盒「金牛」現金作為禮金送給外父外母，三大疊「金牛」看上去至少30萬港元，連婚禮顧問都嚇親，外父外母都相當開心。
Monnie表示：「事前好緊張，從未見證過過大禮，乜都唔識，好在有經驗豐富嘅Wedding planner Olivia同埋尚囍過大禮公司，親身教我未婚夫點準備同擺靚啲過大禮用品，先有咁靚嘅場面。過大禮當日有星級姊妹同兄弟團幫手，氣氛一流，爸爸媽媽都非常滿意。好開心我兩隻狗仔都可以一齊見證住呢個幸福時刻。接住落嚟就要忙8月3日婚禮嘅事，我開始忙著設計新娘形象，招仔已經電咗髮，好多謝專家好友們幫手，我哋相信一切都會順利。」Monnie其中兩位姊妹率先曝光，原來就是李蔓瑩及王熙嵐，平日打扮性感的她們未知姊妹裙會係咩設計呢？
過去幾個月來，Monnie與未婚夫經歷重重考驗，愛犬外出散步被狂犬狂噬愛傷，欠送上小命。在奔波照顧愛犬的日子，原本已懷孕9周，不幸流產失去胎兒。在雙重打擊下，未婚夫對她不離不棄，互相扶持，「每一天他都照顧得我很好，他會彎下腰為我綁鞋帶、除了糖水不會煮其他的他半夜會為我下廚、多累也會為我準備洗手洗澡用的月子水。我們會抱著彼此哭、軟弱了就靠在彼此的身上。」
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
