居屋漏水|啟鑽苑大堂天花漏水變「水舞間」 居民轟工程質素差憂浸壞升降機

文: 程家健
2024.07.08

屋苑大堂變「水舞間」!有鑽石山啟鑽苑居民拍片,只見其中一座的大堂疑似爆水管,天花有大量水灑落如「水舞間」,有住戶就擔心升降機也被浸壞,維修費用會轉嫁到他們身上。

同場加映:

一名女網民今日(8日)在Facebook群組「黃大仙區友(黃大仙,新蒲崗,鑽石山,慈雲山......)」中上傳一段短片,表示位於鑽石山的綠置居啟鑽苑,其中一座的大堂疑似爆水管,現場近信箱位置有大量水從天花灑落,猶如瀑布一樣,地面亦出現水浸,門口近升降機位置亦被波及,事主形容:

「啟鑽苑綠置居經常發生問題,今次更大鑊,希望大家關注,畀錢買仲衰過住公屋。」

有報道就指事發在今日早上,地點為啟鑽苑5座啟湖閣。

網民:啟鑽水舞間

影片曝光後,有網民揶揄畫面像「水舞間」,亦有人批評屋邨造工參差,擔心升降機損壞,維修費用高昂要住戶攤分,「見天氣熱呀!所以灑水降溫!」、「啟鑽水舞間」、「而家啲新屋邨質素......」、「而家啲工程越嚟越差」、「都話新樓不如舊樓!有排搞!唔止1座!」、「未住就要夾錢整」、「啲水斷吓斷吓,可能係上水泵喉裂咗」、「海岸公園?浸咗升降機要唔要整幾百萬?」

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【全城招募120隻毛孩】試用腳掌潔護SPA泡泡!↓

↓登記攞禮物番屋企↓

↓登記攞禮物番屋企↓