錢小豪大仔龐景峰默認撻着劉溫馨 頻頻換畫媽咪郭秀雲偏愛前「新抱」

文: 余美鳳
2024.07.09

星二代錢小豪同郭秀雲嘅大仔龐景峰(Andrew)感情生活多姿多采,昨日傳出秘撻落選港姐劉溫馨數個月,不過就有指郭秀雲對劉溫馨印象麻麻,唔知愛苗會唔會因此而枯萎!

龐景峰與同齡嘅劉溫馨感情極速升溫,有指兩人於數月前撻着,龐景峰曾經post出二人合照,不過當時並未有引起關注,而劉溫馨嘅社交平台都有唔少二人熱戀嘅蛛絲馬迹。經常到Andrew於鰂魚涌開設的新道館幫手打點,還於社交平台分享過多段耍棍片,並有tag龐景峰,為對方宣傳。
早前溫馨post出龐景峰愛犬「梳打仔」嘅合照,不過當友人留言問:「呢隻係唔係梳打?」,溫馨就未有回答。近期溫馨又有上載一張回眸甜笑相,龐景峰又第一個留言問「邊個係攝影師」,「低調地」放閃宣示主權。不過有人透露郭秀雲對溫馨印象麻麻,佢比較鍾意龐景峰拍咗3年拖嘅前「圈外女友」,「未來奶奶」呢關睇嚟唔易過!
 
今日尖沙咀文化中心外有文化推廣活動開幕儀式,龐景峰先現身上台表演武術,劉溫馨則於下午1點幾就上載新相,「情侶檔」做綵排,更同樣以白色情侶裝上陣。龐景峰今日接受訪問時冇否認戀情:「唔好意思,今日做緊大型盛事活動。私生活或者感情新聞下次先回答。」2013年參選港姐的劉溫馨入行至今11年,曾經憑出演無綫劇集《白色強人II》中奸角張庭獲提名「最佳女配角」,可惜之後工作無以為繼,演藝事業發展一般。
 
龐景峰感情生活多姿多采,其中同女友Peggy愛得最高調,曾表示儲老婆本,大讚對方係結婚對象。而龐景峰對上一個女友就係圈外人Hailey,任職護士,龐景峰指當時女友個性比較害羞,而佢同鄧月平練武時女友都有去監場。

圖片來源:Instagram

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【全城招募120隻毛孩】試用腳掌潔護SPA泡泡!↓

↓登記攞禮物番屋企↓

↓登記攞禮物番屋企↓

↓【夏日送禮】送麒麟一番搾啤酒及夏日和風禮品套裝!↓

↓登記即有機會攞禮物番屋企↓

↓登記即有機會攞禮物番屋企↓