升中派位浮誇仔爆紅小薯茄抽水 神還原表情竟然被網民批評?

文: 余美鳳
2024.07.10

一年一度的小學升中位派位,已經塵埃落定,有人歡喜都有人愁。有幾位來自油蔴地天主教小學的成績優異同學接受訪問,期間小朋友的可愛反應表情,實在太真實又得意,成為網絡熱話。小薯茄的程仁富、肥蚊和朱柏熹立即還原扮小朋友O嘴片段,變成「當最佳員工接受訪問…」,大受網民歡迎,笑言搞笑力度超越了原本的一班學生。

就讀「油蔴地天主教小學(海泓道)」的一班學生,完成派位過程後,接受訪問,其中一位陳同學喜獲佳音,成功考到第一志願「華仁書院」,表示感到意外又驚喜,自覺校內成績只屬一般,但能達成願望。

陳同學跟其餘兩位男同學一起接受大哥哥大姐姐的傳媒訪問,面對鏡頭,陳同學表現十分淡定,天真 又帶點「老積」的說話語氣。受訪時他表示,由小五開始,放學便會去立即把握時間去補習:「由星期一至五放學立即去,我覺得自己付出咁多,有呢個回報都係值得。」被問學習期間會否感到辛苦時,他回答十分得體:「(休息)夠,如果講辛苦就談唔上,我覺得讀書係我本份。」

兒子生性,家人倍感安慰,看到年輕一輩識諗,都覺得香港的未來充滿希望。而陳同學身旁的同學仔,更加表現出色,喜感帶給觀眾歡樂。這位表情豐富,同樣成績優異的江同學,接受訪問時,都回答相當得體,但在陳同學受訪,表示自己的溫書時間表時,江同學就露出浮誇式錯愕的表情,嬉笑的行為十分可愛,立即成為焦點。

小薯茄的程仁富、肥蚊和朱柏熹還原了小學生受訪一幕,不過話題改成為「當最佳員工接受訪問…」,程仁富扮站在中間的陳同學,自豪地發表偉論表示自己由星期一至日,每天起床立即工作:「我覺得自己付出咁多,有呢份糧都係值得嘅。」

站在身後的肥蚊和朱柏熹做表情畀反應,朱柏熹還原了江同學的錯愕表情。網民大讚小薯茄反應快,而且眾演員演繹出色,「王子個樣要整sticker」、「想睇女版——童童麗英阿冰」、「呢條片MVP is 朱Mic」、「叫你模仿,冇叫你超越」、「成個水塘啲水俾你哋抽乾晒喇」、「有冇咁快手呀」。

不過,就有一些網民好認真,就擔心這樣「抽水」會影響受訪的小朋友,「唔好攞呢啲嘢嚟抽水好嗎?好影響嗰幾位小朋友」,但大家討論過後,都覺得站在中間的陳同學思想正面,不會受影響,「一定影到唔到中間主打心態好」。

 

而黃美棋和老公和鍾建威都一齊抽下水,兩公婆一起拍片,模仿陳同學和江同學的訪問,黃美棋笑言做老婆,每日都要等老公放工回家,下廚煮餐飯給老公食飯。鍾建威的表情更為誇張,不過兩公婆湊唔夠3個人,所以找來小新公仔做另一個角色,還笑謂,「係我嘅本份黎嘅…..小新都聽到o哂咀」。

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【全城招募120隻毛孩】試用腳掌潔護SPA泡泡!↓

↓登記攞禮物番屋企↓

↓登記攞禮物番屋企↓

↓【夏日送禮】送麒麟一番搾啤酒及夏日和風禮品套裝!↓

↓登記即有機會攞禮物番屋企↓

↓登記即有機會攞禮物番屋企↓