反黑英雄|張頴康後巷拍追賊戲意外受傷 手指尾後遺症纏繞大半年至今未能伸直

文: 羅志宏
2024.07.10

TVB熱播劇《反黑英雄》由陳山聰、張振朗、袁偉豪、張頴康擔正,昨晚(9日)一集焦點場口,落在PTU沙展蘇國威(張頴康飾)及毒品調查科盧宏傑(黃俊豪飾)遭販毒集團阿頭「太子」(謝可逸飾)施以酷刑的場口。張頴康最難忘有場後巷追賊戲,因為意外被障礙物絆倒跌落地,更導致手指尾至今未能伸直。

張頴康後遺症纏繞大半年

張頴康透露有一場後巷追賊戲,被意外絆倒後,手指尾出現後遺症纏繞大半年 :「我記得場戲係舊年冬天拍,到依家我隻手指尾都仲係未伸得番直,仲係拗拗地,但因為唔影響拍戲我都冇理佢。」

至於「水刑」場口,張頴康則謂環境衛生問題比起在水中張大雙眼拍攝難度更高,並感激工作人員的貼心安排:「當時拍嗰場戲嘅環境相對衛生係冇咁好,因為始終係黑社會執行私刑嘅地方,正路都係又爛又舊。我記得當時嗰個浴缸拍之前都幾唔乾淨嘅,但劇組好好,知道我要浸個頭落去,都盡量清潔乾淨個浴缸畀我拍,同埋預備啲乾淨嘅食用水畀我浸落去。」頴康續指所有水中特寫鏡頭,都是另外安排在乾淨的大魚缸中進行拍攝,足證劇組相當暖心及對演員照顧周到。

反黑英雄劇情提要

昨晚(9日)一集劇情講述國威與家人郊遊期間,突然發現車尾箱多了一批毒品及大量現金,深感不妙的國威打回警署報告之餘,並獨自前往找盧Sir問清因由。期間,國威遭「太子」等人埋伏,「太子」一口咬定國威借打擊販毒之名乘機擸貨Cap水,命令手下對國威拳打腳踢之餘,更對國威施以極殘酷的「水刑」,幸好阿賢(張振朗飾)於緊急關頭致電「太子」表示Cap水者另有其人,「太子」遂轉往捉拿盧Sir並對其動用活埋私刑,在場的國威見狀即奮不顧身予以阻止,結果遭「太子」以手槍指著額頭…

張頴康被打至雙膝跪地一幕獲讚專業

張頴康在相關場口中看得出是全程投入,尤其被打至雙膝跪地一幕,更完全感受到膝蓋撞落地下的衝擊力,名副其實「睇見都痛」。張頴康受訪時指由於拍攝時只顧投入角色,故完全不知道痛,直到拍完回家才驚覺雙膝有瘀傷:「其實我自己都覺得好得意,只要一埋到位就真係唔識收,你話要跪就一嘢跪落去,拍嘅時候唔覺痛架,但返到屋企就發現有少少撞瘀。其實拍戲咁多年都經常有呢啲情況,因為一埋到位淨係知道想做好個效果,演起上嚟會幾忘我,我太太咁多年都見慣架喇,就係我無端端返到去呢度又瘀嗰度又瘀,又會損咗一撻咁。」

 

同場加映:【香港周圍遊】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】位元堂美肌養顏糖水套裝 ↓

↓ 養血安神並潤膚美肌 / 從內而外煥發光彩!↓

↓ 養血安神並潤膚美肌 / 從內而外煥發光彩!↓