黃心妙被11歲大仔咬耳畫面衝擊 老公加入甫老婆疑似冇着衫「床照」

黃心妙自2009年嫁給澳門商人後，二人育有3子女，家庭十分美滿。日前一家五日去家庭旅行，心妙就密密甫相，其中最性感嘅係一套印有兩隻眼仔嘅比堅尼，少布到只係僅遮住三點，將佢冇贅肉身段表露無遺；不過最引人注目嘅都係一張佢同11歲仔仔嘅合照，着浴袍嘅大仔從後咬心妙耳仔，就咁睇仲以為係心妙老公，令人不敢直視。而佢老公都有post story分享酒店房間，鏡頭仲掃過趴喺床上嘅心妙，心妙用被冚住臀部，疑似冇着衫，非常撩人。

黃心妙唔係第一次post性感照受到爭議，之前曾身穿低胸露腰上衣，配以貼身黑色超短褲出鏡大騷長腿，正當網民以為黃心妙的性感照係老公視角之際，發現原來係出自阿仔手筆。

+32

+31

點擊圖片放大

黃心妙配文：「是日龍友Lucio（大仔），一直教我怎麼擺，原來我最自在是對住個仔，對著別人絕對害羞，阿仔仲超有耐性的！感動感動！」雖然Lucio暘出嘅相好專業，但唔少網民認為黃心妙唔應該畀阿仔幫自己影性感相：「個仔咁細個就叫佢幫你影埋啲咁嘅相！」、「阿媽對住個仔擺性感post好尷尬……」、「影相冇問題，但係唔可以影啲健康啲嘅feel咩？」、「個仔大個仲得了……」等等，負評不斷！