九龍塘地下一間漢堡店近日被人淋紅油。有網民在社交平台分享舖面被淋油漆的慘況，只見牆身、地板、餐牌、及櫥窗位置均被污染，有一定損毀程度。由於去年亦發生過同樣相同事件，有網民懷疑「會唔會係前一間鋪既數入左呢間鋪。」
漢堡店遭淋紅油 去年曾發生類似事件
位於九龍塘建新中心的漢堡店「漢間」近日被人淋紅油，有網民在Facebook群組「全港店舖消息(開張/執笠)關注組」發文，稱該店舖「前日裝修完，一個burger都未賣就畀人淋紅油。」
點擊圖片放大
「漢間」（Burger Kan）主打漢堡及西式輕食，有網民指去年同店舖已經發生過類似事件，「之前已經一劑咯喎，咁快又嚟料呀！」、「舊年比前女友淋油喎」、「會唔會係前一間鋪既數入左呢間鋪」有網民猜測店名與「漢奸」撞音，風水不好批評改壞名，「同幫自己個女起名叫史珍香異曲同工之妙。」
店家未有在社交平台公布肇事緣由，有網民則估計有機會商戶拖久裝修費用，「應該係起貨唔認數，裝修客一日唔找尾數，裝飾都唔屬於租客，裝飾係屬於裝修公司，做完無錢收一肚氣（淋紅油系裝修嘅一部份）好正常」。
點擊圖片放大
網民批店名諧音趕客籲改名
漢堡包店名的諧音搶耳，第一眼就可以吸引注意，有網民大讚「我覺得佢改得好好，冇啲幽默感同知識都改唔到，希望佢搞掂晒啲恩怨，快啲開張。」不過有網民擔心反為店舖帶來負面影響。有留言更表示「改呢個名個老細有冇諗清楚㗎？ 呢個舖頭名咪即係等於趕客!人哋都會諗我入去食嘢我咪漢姦仲邊有人夠膽入去食嘢呀。」
來源：Facebook
」，
App內睇文同睇片可隨時捕捉U Fun彩蛋，
換領現金券及禮品！
↓【全城招募120隻毛孩】試用腳掌潔護SPA泡泡！↓
↓登記攞禮物番屋企↓
↓【限時搶⚡】勁送小牧味屋高鈣梳打餅套裝！↓
↓ 一套6包：芥末味 / 蕃茄味 / 黑芝麻味！↓
