劉溫馨效力無綫十年宣布離開 埋堆心灰離巢同路人吳家樂拍戲

劉溫馨post出一張甜笑相，留言表示同TVB好聚好散：「離開….多謝妳十年來對我嘅照顧同栽培，我會努力成長！」又POST出「對聯」，宣布自己拍戲：「開始…咁多位你哋好，我係劉溫馨，請多多指教。」

劉溫馨得到唔少一同拍電影《無懼》嘅朋友留言支持，當中包括當日心灰離巢嘅吳家樂留言：「我哋一齊加油！」《無懼》演員陣容有身兼總監製的李璨琛、苗僑偉、姜皓文、周秀娜、陳家樂、胡子彤、張文傑、馬志威、蘇皓兒、吳嘉龍、劉江、袁富華、吳肇軒、吳家樂、周志文，呈現香港六、七十年代香港一代毒梟傳奇「跛豪」及四大探長與反貪故事。

劉溫馨畢業於中央戲劇學院表演系。她曾於2008年北京奧運擔任火炬手，於遼寧省大連市傳遞奧運聖火。2013年度香港小姐競選獲得第四名，其後參加第27期無綫電視藝員訓練班，畢業後成為無綫電視經理人合約藝員。

+10

+9

點擊圖片放大

劉溫馨入行多年少有代表作，但就成為TVB御用少妻，拍劇不時配搭老夫，而佢嘅緋聞遠比演藝事業精彩，上年被指「戰鬥格」打扮與林正峰食飯，慶祝男方28歲生日；林正峰亦一盡風度，除下外套給女方穿上；劉溫馨更被拍得疑似買男裝內褲予林正峰做生日禮物。劉溫馨於《香港愛情故事》中飾演林正峰劇中的繼母，有不少對手戲，不過林正峰透IG公開回應事件時，疑似暗寸整個緋聞是被利用和「擺上枱」︰「雖然平時甚少傾偈，但因為係曾經合作過嘅前輩，諗住都只係聚一聚所以就去食，食完飯之後，我哋都無同大家有任何聯絡，所以對今次呢件事都百思不得其解。」、「我真係單身，現在無意亦不會想發展任何戀情，只想寄情工作，亦學懂世途險惡，以後會更加小心。」