訂造傢俬方面用盡家居空間，其中淘寶訂傢俬價格就較為相宜，受不少公屋戶喜愛。有網民早前裝修380呎公屋新居，廳房舖磚、間房櫃及傢俬約花$15萬，成功以有限空間間出3房，其中將露台間成1房特別受網民注意。
$15萬裝修380呎公屋 連露台間出3房
有女網民日前在Facebook群組「淘寶開心Share」發文，分享公屋裝修及淘寶訂造傢俬經歷。事主所住公屋估計屬舊式單位，正門對面有一大露台，裝修方面主要是舖設廳房地磚及廚櫃，並利用淘寶訂造傢俬「用盡每一個空間」，成功將380呎單位間出3房，整個裝修工程約2個半月完成，花費約15萬元左右。
淘寶訂造傢俬用盡空間
淘寶訂造傢俬方面，事主指事前物色5、6間木傢俬訂造公司格價，揀啱心水後於淘寶落訂600元，其後就有師傅上門度尺，先後兩次出平面圖後分別多繳2成及3成費用，經最後一次上門度尺後就正式開始做櫃。
正式開始造傢俬後，事主等待約大半個月就收到成品相片，交尾數後就有香港師傅送貨及上門安裝。事主指上門師傅有幫手在廚櫃抽油煙機位及書枱電線位開窿，「收口唧埋膠」亦無額外收費，對服務似乎甚滿意。
」，
App內睇文同睇片可隨時捕捉U Fun彩蛋，
換領現金券及禮品！
↓【全城招募120隻毛孩】試用腳掌潔護SPA泡泡！↓
↓登記攞禮物番屋企↓
【請您試用】韓國夏日防曬套裝☀️！
↓ 一次試勻4款防曬好物↓
