ViuTV新劇《島嶼協奏曲》講述三位香港女生因各自的原因及期望，嘗試在台灣紮根。美術老師鄧麗欣（Stephy）飾想用假結婚留台；單親媽何洛瑤（Sica）四出徵婚找真命天子；毛曄穎（Wing）與MIRROR邱士縉（Stanley）這對夫妻在綠島經營潛水店，然而Stanley無所事事，但Wing卻是工作狂，令二人出現分歧…
Stephy、Stanley、Sica及Wing大談劇中角色，Stephy今次在劇中竟延續電影《金都》精神：「我嘅角色離開咗香港，去台灣做美術老師，有日學校唔同我續約，我搵盡所有辦法（留台），最後可能用假結婚手段。（繼《金都》後再次假結婚？）好有緣，因為係同一位編劇黃綺琳寫，幾有趣。」Stanley笑言其角色Leo偏向小男人，問他在現實中都屬小男人？他笑說：「我好多元化，當覺得多一事不如少一事嗰陣就小男人，但有啲原則要堅持，就要爭取番啲嘢。」
至於Sica在劇中不停徵婚，年僅24歲的她現實中亦不抗拒：「想搵同我年紀差唔多好啲，我覺得台灣男仔比較幽默，做朋友好開心，但都係鍾意香港男仔多啲。」Wing飾演Stanley太太，笑言這對夫妻跟一般男女定位不同，「角色好完美主義，所以阻礙我工作嘅嘢都要剷除。」
劇中，Stanley和Wing在綠島經營潛店，有次在船上拍攝一天，Stanley取笑Wing說：「最難忘佢（Wing）嘔，嘔到好似《驅魔人》咁！」Wing即反擊：「佢見到我嘔，完全冇安慰我，直接影低佢！」Stanley搞笑說：「因為慰問對件事冇幫助！」
至於Sica的難忘事最離奇，她坦言在台灣拍攝一個月，住的酒店房不時有靈異事件：「電視無啦啦會開，張床會跳，又會有敲門聲。」直到有一晚，她洗完澡聽到有電鋸鋸門聲，起初她以為同屬靈異事件：「點知原來係人，我好驚會鋸我個頭，分我屍！」她未穿衣便喊住致電隔籬房的Ah Gi（樊沛珈），原來只是酒店維修工程，虛驚一場。
談到劇中眾人，各自有不同的陰影而想留在台灣，現實中，Stanley坦言以前不敢近距離望Fans：「出道嗰時面對好多唔同攻擊，例如覺得我唔應該入團呀、有咩資格呀；好多時我派小卡，對方會避開你眼神，或者skip咗你望後面嘅人，其實好受傷害。即使去到前排，都會有呢啲情形出現，我好努力去消化…其實幾大陰影，但依家好好多，因為fans畀番力量我、拉番我出嚟，依家夠膽望番佢哋多啲。」
Stephy一邊聽一邊點頭，曾是女團Cookies成員的她，絕對感同身受：「好明白，尤其喺團體，fans之間嘅嘢，我哋好難控制…我都試過淨係夠向住拎自己嘅牌嘅fans打招呼，其他人都唔敢望，驚人哋唔知係咪望你，驚打搞人哋…不過我哋（Cookies）短啲時間，一年左右已經解散，之後再慢慢調適驚嘅感覺。」
攝影：何家賢
Stanley
Wardrobe & Shoes：Zegna
Stylist: PIPA Creative
Make up: Mon Cheng
Hair: Seiko@HairCulture
Stephy
Hair: Ritz Lam@myös
Makeup: Cyrus Lee
Wardrobe: @mrselfportrait
Styling: @queenie_yu #qystyling
Wing
Wardrobe: 美華氏
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
