TVB劇集《反黑英雄》持續熱播中，除了主要演員陳山聰、張振朗的演出備受注目之外，「東張女神」何沛珈的演出一樣令人眼前一亮。昨晚（11日）播出的第十四集，何沛珈不但被連環叉頸掹頭髮拖行，更慘變人肉排球，被掟來掟去跌落地，睇到觀眾相當肉緊。何沛珈今次放下靚女包袱，為求真實親身上陣，非常專業！
反黑英雄｜何沛珈處女打戲
昨晚（11日）一場三分半鐘的打鬥戲精彩刺激，何沛珈（Roxanne）飾演的「林冰」因之前撰寫的一篇報導惹禍，遭墨西哥販毒集團首領跟蹤兼襲擊。何沛珈被叉頸、掹頭髮、拖行、被打至面容扭曲的她又像人肉排球般被掟來掟去，兼一度被凌空拋起後再跌落地。
該場打戲播出後，內地及香港網民都感到相當醒神，大讚劇情精彩又刺激，而其實這場更是何沛珈的處女打戲！對於在劇中被打得勁甘，其中一幕更要被大枱「降」頸，何沛珈就透露為求效果逼真，盡量親身上陣：「撞落書架、掹頭髮嗰啲位，我都係盡量親身上陣，係真係會痛嘅，不過出到嚟見到效果好真實，就覺得所有嘢都係值得。」
反黑英雄｜何沛珈意外受傷
護士出身的何沛珈，笑言投入拍戲令她對衛生的講究也大大降低：「無論環境有幾污糟、我都可以照樣零掙扎咁喺嗰度爬一日，都好多謝監製畀呢個機會我去嘗試，我都估唔到自己喺拍嘢時會忘記晒所有框架。」拍攝時投入至忘我的何沛珈，又謂連整親也不自知：「返到屋企先見到原來手指損左，膝頭哥又瘀咗。」
何沛珈又感激對手陳山聰在其拍攝喊戲時給予不少力量：「場喊戲我覺得都幾大挑戰，因為係當日先收到劇本，去到真係要拍我同導演先至溝通好點樣去完成呢場戲。好多謝山聰提我盡量放鬆去做，佢搭住我膊頭嗰下畀到好大力量我。」
反黑英雄｜何沛珈晒逆天長腿
至於劇中家居Look將其逆天長腿展露無遺，何沛珈就笑言是靠鏡頭搭救，並大讚劇組專業：「其實每套劇不論係監製導演或是攝影師都對佢哋嘅工作好盡責，一定會盡量將演員最好嗰面拍出嚟。同埋可能因為拍《反黑》嗰段期間我開始練馬拉松，所以成個身形會fit啲。」
同場加映：【香港周圍遊】最新影片
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
