領養動物｜愛協發緊急領養呼籲 半年接收767隻棄養貓 貓舍逼爆急尋新家
香港遺棄動物情況嚴重。愛護動物協會今日（12日）發出緊急領養呼籲，指今年頭半年已接收多達767隻貓，其中不乏患病的純種貓。愛協指多間貓舍已被遺棄動物「逼爆」，盼有心人協助領養，給貓貓一個家。
上半年接收767隻貓 部分純種貓「不夠完美」被棄
香港愛護動物協會（愛協）於社交平台專頁發文，透露上半年已接收767隻貓，數量比去年同期多出11%。愛協發現近期特別多人遺棄患病的純種貓，部分貓隻被人隨意棄置街上，有時甚至「1籠7隻」，情況令人惋惜，
「我哋冇辦法知道呢啲貓貓嘅身世。有可能有人喺寵物店或者網上走私買返嚟，發現『貨不對版』，又或者可能呢啲貓唔夠『完美』，繁殖者賣唔出。」
貓舍爆滿 愛協呼籲領取「一次救兩命」
愛協指其24小時動物拯救服務每日都在進行，但由於棄貓數量太多，愛協以至不少本地動物機構的貓舍都經已爆滿。為此愛協特別作出緊急領養呼籲，並解釋指一次領養其實可以拯救兩個生命，「當一隻動物成功尋家，就可以騰出空間幫另一隻動物」。愛協歡迎市民在開放時間親臨香港、九龍、青衣及西貢領養中心探訪貓貓，毋須預約。
部分待領養貓隻
港生活人氣本地熱話
【社群送禮🎁】韓國星級六合一造型神器💆🏻♀️！
輕鬆在家打造韓式髮型～
【限時登記領取🎁】韓國No.1人氣保濕產品！
WELLAGE超強爆水珠珠💧 x 防曬新品🌞
