由周奕瑋（Jarvis）聯同王敏奕主持的《感動味蕾美食餐廳100強關西篇》正值熱播，王敏奕被生鰻魚嚇到花容失色，真情流露；不過可能食得太多美食，她形容食物時就被網民取笑詞窮，幸好靚樣搭夠。
Jarvis與王敏奕在節目中走訪100間餐廳，不少網民表示夜麻麻睇到覺得好肚餓！在第五集中，兩位主持與日本新一代食神威先生到訪鰻魚專門店「炭燒鰻 寢床」。由於店中鰻魚是即殺即燒，非常新鮮，當侍應拿來鰻魚給主持們欣賞時，本來keep住淑女微笑的王敏奕，一見生勾勾的鰻魚，嚇到面容扭曲，發出震撼性超高分貝尖叫，掩臉撲向Jarvis。幸好Jarvis立即「英雄救美」，以日語向侍應示意拿走鰻魚。
嚇破膽的王敏奕為失態大感不好意思，及後大家品嘗燒鰻魚頸肉時，連威先生簡單形容鰻魚的頸部位置，都令王敏奕非常害怕，相當誇張。有網民留言認為王敏奕明知行程去鰻魚店，但見到鰻魚時仍嚇到尖叫，覺得失禮又浮誇；不過亦有人深明王敏奕的感受，皆因她的反應跟怕蛇人士相同，失控大叫好正常。而TVB YouTube頻道的人員亦回覆網民，表示王敏奕事前不知會看到活生生的鰻魚，才會如此驚恐。
播出幾集以來，王敏奕可能主持經驗未夠，形容食物方面的詞彙略嫌不足，例如食阿古豬肉時，她形容：「我覺得呢個豬豬好雪白。」廚師將阿古豬切成薄片並弄成玫瑰花形擺盤，店員再將玫瑰花豬肉放進鍋中，她只說：「咁樣睇都係好欣賞…好賞心悅目。」網民笑言幸好王敏奕樣貌甜美，食得很滋味的模樣一樣咁賞心悅目，節目亦不時給王敏奕唯美鏡頭曬美貌。
至於Jarvis的表現獲讚說話非常流暢，不過有人認為他吃東西時永遠只得瞇眼陶醉以示好味，由於每集節目都以慢鏡播出2位主持吃東西的表情，猶如吃播一般，所以凸顯了Jarvis的表情較為單一，有網民形容他的表情浮誇，「停留喺味吉陽一年代」。
圖片來源：電視截圖、大會提供
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
