香港快運安排再惹爭議！今次引起網民熱議的不是手提行李行刑架或寄艙行李重量，而是座位編排問題。有乘客在社交平台發文，指有家長借同行小朋友之名，搶走其他乘客付費揀選的座位。不少網民批評「咁大家唔洗買位，上機搶位咪得囉」、「跟打劫有何分別？」、「點解要比錢買位個客suffer。」其後受害乘客現身留言，所謂「小朋友」原來已是中學生。
HK Express回應疑似搶位爭議 事主疑現身親述事件
香港快運航空今日（7月16日）透過電郵回覆本網查詢，全文如下：
根據香港快運回覆的電郵，因轉換了機型而產生昨日（7月15日）UO690航班座位疑似搶位的事件。電郵稱，一行四人家庭最初預訂的座位變成緊急出口座位排。根據規定，當中兩位未成年的乘客不能坐在緊急出口座位排，因此與相關家庭解釋調位需要、並得到另一排四位乘客的同意後（當中包括兩位已付費自選座位的乘客），迅速安排對調。香港快運已向協助對調的乘客解釋並承諾會退回自選座位的費用，感謝當日各位乘客的理解和配合。
香港快運續指，如乘客未符合相關安全規定，香港快運會為該乘客重新安排替代座位。
香港快運回覆後，有人在Facebook群組「HK Express 香港快運及旅行資訊關注組」貼出被搶機位事主的留言，受害人狠批「UO講大話，由頭到尾我哋冇人協商過.」，當事人在辦理登機手續時座位號碼「係一樣嘅」，直至上機時才被通知攔截轉位。留言再次激起網民怒火，斥香港快運「越描越黑」、「快運轉機型責任乘客負責？」、「話同其他乘客協調，點解事主上到機先知個位俾人坐咗？」
來源：Facebook群組
HK Express要求乘客調位 讓同機子女與家長坐相連位置
有網民在Facebook群組「HK Express 香港快運及旅行資訊關注組」發文，分享乘搭香港快運航班UO690時，目擊的一宗不愉快事件。事緣有家長帶同仔女出遊，不過未有加錢揀位，在上機後就發難，要求已付費揀位的乘客讓座。
根據帖文，事後有客服進入機艙，與被搶位乘客溝通，請相關人士返香港後申請退款。參與網上資料，今日（7月15日）的UO690航班，起飛時間由10:30延至10:49，暫時未知航班延誤與事件是否有關。記者已就事件向HK Express查詢，暫未獲回覆。
▼事件經過▼
事件引來網民熱議，不少網民態度強硬，表明不會讓位。有網民驚訝香港快運的處理手法「點解要比錢買位個客suffer，咁係個家長同UO問題」、「退錢大哂？甘都得」、「咁點解唔調一啲無俾錢買位嘅人。」有網民批評「明知有小朋友，就應該一早俾錢買位啦！」
發文者指「被搶位乘客罄到爆」，估計當事人相當無奈。有網民提醒「如你發覺座位有問題，應該在counter同職員反映、不是無理地在機艙上非法手段奪取別人的座位。」亦有部分網民表示，為免影響到其他人，當下最終都會接受安排。
有網民指「正常airline有班執位嘅地勤，根據正價乘客/專貴會員/特別乘客需要而先assign座位。亷航我唔肯定有冇，不過有特別需要乘客冇理由都係由系統派/買位。地勤有責任，唔係叫個客返黎自己claim! Claim唔到點算？」
受影響乘客現身留言 「嗰兩個已經係中學生」
有聲稱是受害人的網民現身說法，「最後冇堅持係因為唔想耽誤其他乘客嘅時間，驚延遲班機，同埋嗰兩個已經唔係好細嘅小朋友，已經係中學生。」受影響人士選擇妥協，以免事件再蔓延影響更多乘客的精神獲網民大讚。不過，亦有人擔心今次退讓或會讓無賴乘客得寸進尺，日後更有恃無恐。
HK Express針對未有付費揀位的兒童機票安排
翻查HK Express Facebook專頁過去的帖文，有網民查詢「如果我兩大一細6歲去，唔揀位，佢會唔會分開曬3個人前中後坐」，官方回覆稱「無論係初次預訂機票、管理我的訂位、定係網上辦理登機，都可以為同行小童（2歲-11歲）揀選座位由港幣 20*起，如果冇需要我哋亦會為你免費隨機分配座位～」
香港快運小童座位選擇半價
根據HK Express官網，如果乘客沒有預先購買座位，航空公司將會在乘客辦理登機手續時，為他們隨機安排座位。為了讓更多家庭以更實惠價格為孩子選擇座位，HK Express自3月起推出「小童座位選擇半價優惠」。此優惠適用於前往所有航點的2至11歲小童，於初次預訂時訂位只要$20起。
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
