現年66歲嘅「Do姐」鄭裕玲入行接近半世紀，多年來都甚少談及家事，對私事非常低調；而近日Do姐胞弟鄭裕德（Peter）激罕現身人前，彌補番一個多年前嘅遺憾。
原來Peter曾於1981年亮相大銀幕，演出由導演方育平執導嘅電影《父子情》，片中飾演兒子「羅家興」。而日前Peter現身由香港電影資料館主辦的「影以載道——銀都作品回顧」開幕禮，鄭裕德當年原來完成《父子情》後遠赴外國讀書，冇再參與幕前工作，Peter呢日喺台上指對呢部電影嘅感覺好深：「因為呢套電影對我嚟講可以話係一個遺憾，點解咁講呢？因為係拍完電影之後，我就要離開香港去外國留學，始終冇機會喺大銀幕睇呢套電影。」
而Peter終於喺過咗差唔多半世紀之後彌補遺憾：「依家過咗成四十年，終於適逢有咁嘅機會可以睇到，仲係4K 修復版，所以覺得好特別，而且仲可以同廣大嘅朋友一齊共聚一堂，我感受好有意義。」司儀問到當時拍攝點滴，Peter就表示：「好似呢排天氣咁，嗰陣時都經過咁嘅天氣，都係好熱好辛苦，呢個係其中一種經歷，拍完電影之後覺得好滿足，覺得完成咗一件事，對我人生嚟講都係一個好特別嘅過程，呢件事我會 Keep In Memory。」
Peter同家姐鄭裕玲出身於單親家庭，因家境問題令Do姐放棄理想。當年Do姐原本計劃往美國就讀新聞系，可惜家庭經濟不容許，被逼放棄當新聞記者之夢想，更於於1975年入讀佳藝電視訓練班，畢業後入行成為藝人。中五畢業嘅Do姐一向予人知性之感，Do姐從小已經接觸英文，於家中睇英文報紙及電視節目，更愛聽Bee Gees及 Beatles等英文歌，因此培養對英語嘅濃厚興趣。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂美肌養顏糖水套裝 ↓
↓ 養血安神並潤膚美肌 / 從內而外煥發光彩！↓
↓【夏日送禮】送麒麟一番搾啤酒及夏日和風禮品套裝！↓
↓登記即有機會攞禮物番屋企↓
