早前（5月）《東張西望》報道76歲何伯與比其年輕逾30歲的何太「忘年戀」，何伯為何太更與亡妻所生的五子女反目，而何伯細女擅自調走與何伯聯名戶口中450萬元，令何伯要上電視討公道，事件為全城熱話。最近何太又有新搞作，於直播提到自己想改嫁美國，仲同何伯口角搞喊老人家，非常精彩！
何太日前直播時用普通話同網民討論其中一個留言：「你們其中有一個人說，讓我帶婆婆、兒子去嫁。如果未來的老公不嫌棄我帶老公、帶兒子，那我也是會的。那很好，以後我少請一個管家，讓我現在的老公當我們的管家。」此時，鏡頭外的何伯出聲，何太亦非常驚訝何伯竟聽得明普通話，何伯激動表示：「你估我唔識聽呀？」何太解釋道：「你沒錢，我能帶你出國嘛。」何伯不忿：「會攞返返嚟㗎嘛！」原本笑笑口嘅何太突然黑面：「你攞番返嚟先算啦！」
何伯喺鏡頭外落淚，何太都盡妻子責任「安撫」：「你唔好喊啦！你冇能力就要認㗎啦！」何伯心碎睇清佢真面目：「你知唔知我個心有幾痛！我以為搵到個真心對我嘅老婆。」何太又稱「改嫁」好常見：「如果有辦法，邊使離婚、改嫁呀！我唔想你死咋！如果筆錢人哋做咗手腳攞唔返呢？我咪即係救咗你囉！第時你咪留喺我哋身邊做管家囉，幫我哋掃吓花園，切吓生果，好似你依家咁樣囉！」仲諗埋後路畀個76歲老人有就業機會，非常周到。
何伯無奈表示唔想睇人「夫目前犯」：「我睇住個老婆同人上床，我幾難頂呀？」何太亦認真回應：「如果人哋娶我嗰個睇得開呢？人哋美國生活嘅人開通呢？」何伯亦仍然好要面，反駁：「人哋（大眾）話：『呢個好女人嚟㗎咩？』我冇晒面㗎啦！」何太卻堅持自己是「好心」：「我唔好就唔會帶住你去嫁啦！」真係好有老人家心！
圖片來源：網上圖片
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
