一般業主招租之前都會先把單位粉飾一番，以吸引租客，不過最近有業主於網上放租大角咀一個舊單位，裡面相當簡陋陳舊，更用貼紙遮蔽窗戶，月租卻叫價6500元。由於單位裝修殘舊，被網民笑指停留在60年代，而陰暗的環境更被形容似「賊竇」，批評質素與租金不對等，叫價離地。
同場加映：
管家王︱旅行住酒店防蝨攻略 開篋最好遠離床邊 4招防帶床蝨回港
有業主近日在Facebook群組「香港免佣租屋放盤」發帖，放租一間位於大角咀利得街、舊式兩房一廳的中層單位，月租6500元，租客需繳付「一壓（押）一上」，即一個月租金作按金及一個月租金作上期。發文者只貼出兩張照片，未能看清單位格局，但就相中所見，內裡裝修相當簡陋，牆身及地板殘舊，窗花為上世紀款式，窗邊並無窗簾，只貼紙遮蔽玻璃窗，顯得十分陰暗；房中只有一張鐵架床、風扇及晾衣架，而另一張相片則可見有個儲物及窗口式冷氣機。
點擊圖片放大
網民嘲似「著草竇」
帖文引起網民熱烈討論，不少人都形容單位有6、70年代感覺，環境非常陳舊，「回到香港1960’s，開電視應該見到陳寶珠」、「呢種窗花，真係好70年代」。有人指單位令人聯想起昔日港產片的場景，笑言：「陳刀仔間屋？」、「《無間道》梁朝偉打密碼嗰間屋呀？牆角有梁朝偉簽名嗎？」、「拍《九龍城寨》續集唔使搭景 」，形容環境與電影《國產凌凌漆》中主角入住的「麗晶大賓館」一樣；更有人嘲諷單位過於殘舊，狀似賊人的藏身地點，「根本係著草竇嚟，同阿公做完嘢，方便匿埋一排」、「呢啲真係似以前省港奇兵住嗰啲地方，喺度傾打劫傾犯法嘢」。
另一方面，有網民斥該處環境差劣，月租6500元實在離譜，「行過隔離深水埗$4000租都靚仔過你呢度」、「你咁嘅款都6千5，真係好心執執佢先啦」、「650蚊都唔想住」。
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
